22 ವರ್ಷ ಬಳಿಕ ಕಳ್ಳತನವಾಗಿದ್ದ 8 ಕೋಟಿ ಮಾಲು ಕುಟುಂಬಸ್ಥರಿಗೆ ವಾಪಸ್!

ಮುಂಬೈ: 22 ವರ್ಷಗಳ ನಂತರ ಕಳ್ಳತನವಾಗಿದ್ದ 8 ಕೋಟಿ ಮೌಲ್ಯದ ಚಿನ್ನಾಭರಣಗಳನ್ನು ಕೋರ್ಟ್ ನಿರ್ದೇಶನದಂತೆ ವಸ್ತ್ರವಿನ್ಯಾಸಕ ಸಂಸ್ಥೆ ಚರಘ್ ದಿನ್ ಮಾಲಿಕರಿಗೆ ಹಸ್ತಾಂತರವಾಗಿದೆ.

ಇದು ಅಪರೂಪದ ಘಟನೆಯಾಗಿದೆ. 1998 ರಲ್ಲಿ ಚರಘ್ ದಿನ್ ಮಾಲಿಕರಿಗೆ ಸೇರಿದ್ದ 13 ಲಕ್ಷ ಮೌಲ್ಯದ ಚಿನ್ನಾಭರಣಗಳು ಕಳ್ಳತನವಾಗಿತ್ತು. ಅದರ ಮೌಲ್ಯ ಈಗ 8 ಕೋಟಿ ರೂ.ಗೆ ತಲುಪಿದೆ.

ಈ ಕಳ್ಳತನ ಪ್ರಕರಣವನ್ನು ಬೇಧಿಸಿದ ಬಳಿಕ ಚಿನ್ನಾಭರಣಗಳು ಪೊಲೀಸರ ವಶದಲ್ಲೇ ಇತ್ತು. ಇದೀಗ ಕೋರ್ಟ್ ಅದನ್ನು ಮಾಲಿಕರಿಗೆ ಒಪ್ಪಿಸಲು ಆದೇಶಿಸಿತ್ತು. ಅದರಂತೆ ಪೊಲೀಸರೂ ತಕಾರರು ಇಲ್ಲ ಎಂದು ದೃಢೀಕರಿಸಿದ್ದರಿಂದ ಮಾಲಿಕರಿಗೆ ಚಿನ್ನಾಭರಣಗಳು ವಾಪಸ್ ಆಗಿವೆ.