ಹಣತೆಗಳ ಸಾಲಿನ ಬೆಳಕಿನಲ್ಲಿ ಮೂಡಿಬಂದ ರಾಮ

ದಕ್ಷಿಣ ಕನ್ನಡ : ಸಾಲಾಗಿ ಹಚ್ಚಿಟ್ಟ ದೀಪಗಳ ಸಾಲಿನಲ್ಲಿ ಅಯೋಧ್ಯೆಯ‌ ಶ್ರೀರಾಮನ ಚಿತ್ರ ಬಿಡಿಸುವ ಮೂಲಕ ಮೂಡುಬಿದಿರೆ ಒಂಟಿಕಟ್ಟೆಯ ಅಯ್ಯಪ್ಪ ಮಂದಿರದಲ್ಲಿ ಹೊಸ ಕಲಾಕೃತಿ ಮೂಡಿಸಲಾಗಿದೆ. ಕಲಾವಿದರಾದ ತಿಲಕ್‌ ಕುಲಾಲ್‌, ರೋಹಿತ್‌ ನಾಯ್ಕ್‌, ಅಕ್ಷಿತ್‌ ಕುಲಾಲ್‌ ಊರಿನ ಜನರ ಸಹಕಾರದೊಂದಿಗೆ  ಈ ವಿಶಿಷ್ಟ ಕಲಾಕೃತಿ ಮೂಡಿಸಿದ್ದಾರೆ. 

ಅಯೋಧ್ಯೆಯ ಶ್ರೀರಾಮ ಮಂದಿರದಲ್ಲಿ ಶ್ರೀರಾಮನ ಪ್ರತಿಷ್ಠಾಪನಾ ಕಾರ್ಯಕ್ಕೆ ಇನ್ನು ಕೇವಲ ಎರಡು ದಿನಗಳಷ್ಟೆ ಬಾಕಿ ಉಳಿದಿದೆ. ದೇಶದ ಜನತೆ ವಿವಿಧ ರೀತಿಯಿಂದ ತಮ್ಮ ಭಕ್ತಿಯನ್ನು ತೋರ್ಪಡಿಸುತ್ತಿದ್ದು, ಈ ಸಾಲಿನಲ್ಲಿ ಮೂಡುಬಿದಿರಿಯಲ್ಲಿ ನಡೆದ ಕಾರ್ಯಕ್ರಮವೊಂದು ಸೇರ್ಪಡೆಯಾಗಿದೆ. ವಿಧಾನ ಪರಿಷತ್‌ ವಿರೋಧ ಪಕ್ಷದ ನಾಯಕರಾದ ಕೋಟಾ ಶ್ರೀನಿವಾಸ ಪೂಜಾರಿ ಈ ದೃಶ್ಯವನ್ನು ತಮ್ಮ ಎಕ್ಸ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.