ಇಂಧೋರ್: ಹನಿಮೂನ್ ಹಂತಕಿ ಸೋನಂ ರಘುವಂಶಿ ಮದುವೆಗೆ ಮುನ್ನ ಪ್ರಿಯಕರನಿಗೆ ರಾಜ ರಘವಂಶಿ ಜೊತೆಗಿನ ಮದುವೆಗೆ ಮುನ್ನ 100 ಕ್ಕೂ ಹೆಚ್ಚು ಬಾರಿ ಕರೆ ಮಾಡಿದ್ದಳು ಎಂಬ ವಿಚಾರ ಬೆಳಕಿಗೆ ಬಂದಿದೆ.
ಇಂಧೋರ್ ನ ರಾಜ ರಘುವಂಶಿ ಕೊಲೆ ಪ್ರಕರಣದ ತನಿಖೆ ಮಾಡುತ್ತಿರುವ ಪೊಲೀಸರಿಗೆ ಹೊಸ ಹೊಸ ವಿಚಾರಗಳು ಬಯಲಿಗೆ ಬರುತ್ತಿವೆ. ರಾಜ ರಘುವಂಶಿಯನ್ನು ಹನಿಮೂನ್ ಗೆಂದು ಮೇಘಾಲಯಕ್ಕೆ ಕರೆದುಕೊಂಡು ಹೋಗಿ ಪ್ರಿಯಕರ ರಾಜ್ ಕುಶ್ವಾಹ ಜೊತೆ ಸೇರಿಕೊಂಡು ಕೊಲೆ ಮಾಡಿಸಿದ್ದಳು.
ಈಗ ರಾಜ್ ಕುಶ್ವಾಹ, ಸೋನಂ ಸೇರಿದಂತೆ ಎಲ್ಲಾ ಆರೋಪಿಗಳನ್ನೂ ಬಂಧಿಸಿ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಸೋನಂ ತನ್ನ ಫೋನ್ ನಲ್ಲಿ ರಾಜ್ ಕುಶ್ವಾಹ ಹೆಸರನ್ನು ಸಂಜಯ್ ವರ್ಮ ಎಂದು ಸೇವ್ ಮಾಡಿಕೊಂಡಿದ್ದಳು. ಈ ನಂಬರ್ ಗೆ ಮದುವೆಗೆ ಮುನ್ನ ನೂರಕ್ಕೂ ಹೆಚ್ಚು ಬಾರಿ ಕರೆ ಮಾಡಿದ್ದಳು. ಮದುವೆ ಬಳಿಕವೂ ಫೋನ್ ಕರೆಗಳು ಮುಂದುವರಿದಿದ್ದವು ಎಂದು ತಿಳಿದುಬಂದಿದೆ.
ಕೊಲೆ ನಡೆದ ದಿನವೂ ರಾಜ್ ಕುಶ್ವಾಹ ಅನುಮಾನ ಬರಬಹುದು ಎಂಬ ಕಾರಣಕ್ಕೆ ಮೇಘಾಲಯಕ್ಕೆ ಖುದ್ದಾಗಿ ತೆರಳಿರಲಿಲ್ಲ. ಆದರೆ ಕೃತ್ಯದ ಮಾಸ್ಟರ್ ಮೈಂಡ್ ಆತನೇ ಆಗಿದ್ದು ತನ್ನ ಸಹಚರರ ಮೂಲಕ ಕೆಲಸ ಮಾಡಿಸಿಕೊಂಡಿದ್ದಾನೆ ಎಂದು ತಿಳಿದುಬಂದಿದೆ.
