ಚುನಾವಣಾ ರಣನೀತಿ ತಜ್ಞ ಪ್ರಶಾಂತ್‌ ಕಿಶೋರ್‌ ನಿರೀಕ್ಷೆಯಂತೆ ತಮ್ಮದೇ ನೇತೃತ್ವದ ಜನ ಸೂರಜ್‌ ಪಕ್ಷ ಘೋಷಿಸಿದ್ದಾರೆ. ಬಿಹಾರದಲ್ಲಿ ಪಕ್ಷದ ಕಾರ್ಯಚಟುವಟಿಕೆ ಆರಂಭವಾಗಲಿದ್ದು, 3000 ಕಿ.ಮೀ. ಪಾದಯಾತ್ರೆ ನಡೆಸಲಿದೆ.
ಜನ ಸೂರಜ್‌ (ಜನತೆಯ ಉತ್ತಮ ಆಡಳಿತ) ಪಕ್ಷದ ವತಿಯಿಂದ ಅಕ್ಟೋಬರ್‌ 2ರಿಂದ ಬಿಹಾರದ ಬಹುತೇಕ ಜಿಲ್ಲೆಗಳನ್ನು ಕವರ್‌ ಮಾಡಲಿದ್ದೇವೆ ಎಂದು ಪ್ರಶಾಂತ್‌ ಕಿಶೋರ್‌ ಗುರುವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.
ಪಾದಯಾತ್ರೆ ವೇಳೆ ನಾವು ಪ್ರತಿಯೊಂದು ಮನೆಯ ಬಾಗಿಲು ತಟ್ಟಲಿದ್ದೇವೆ. ನಾವು ಅವರ ಸಮಸ್ಯೆ ಆಲಿಸಲಿದ್ದೇವೆ. ಮತ್ತು ಪಕ್ಷದ ಕಾರ್ಯಕ್ರಮಗಳನ್ನು ಮನವರಿಕೆ ಮಾಡಿಕೊಡಲಿದ್ದೇವೆ ಎಂದು ಪ್ರಶಾಂತ್‌ ಕಿಶೋರ್‌ ವಿವರಿಸಿದರು.
