ಪಟಿಯಾಲ : ಲಾಕ್ ಡೌನ್ ಪಾಸ್ ತೋರಿಸಲು ಹೇಳಿದ ಪೊಲೀಸರ ಮೇಲೆ ನಿಹಾಂಗ್ ಸಿಖ್ಖರ ಗುಂಪೊಂದು ಹಲ್ಲೆ ನಡೆಸಿ ಅಧಿಕಾರಿಯೊಬ್ಬರ ಕೈ ಕತ್ತರಿಸಿದ ಘಟನೆ ಪಂಜಾಬ್ ನ ಪಟಿಯಾಲ ಜಿಲ್ಲೆಯಲ್ಲಿ ನಡೆದಿದೆ.
ಪಟಿಯಾಲ ತರಕಾರಿ ಮಾರುಕಟ್ಟೆಯ ಬಳಿ ಆರು ಜನರಿರುವ ವಾಹನವನ್ನು ಪೊಲೀಸರು ತಡೆದು ಲಾಕ್ ಡೌನ್ ಪಾಸ್ ತೋರಿಸುವಂತೆ ಕೇಳಿದ್ದಾರೆ. ಅದಕ್ಕೆ ಕೋಪಗೊಂಡ ಅವರು ಕತ್ತಿ, ಮಾರಾಕಾಸ್ತ್ರಗಳನ್ನು ತೆಗೆದು ಪೊಲೀಸರ ಮೇಲೆ ಹಲ್ಲೆ ನಡೆಸಿದ್ದಾರೆ. ಆ ವೇಳೆ ನಿಹಾಂಗ್ ನ ಎಎಸ್ ಐ ಹರ್ಜಿತ್ ಸಿಂಗ್ ಎಂಬುವವರ ಕೈಯನ್ನು ಕತ್ತರಿಸಿದ್ದಾನೆ.
ಹರ್ಜಿತ್ ಸಿಂಗ್ ಸ್ಥಿತಿ ಗಂಭೀರವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಘಟನೆಯಲ್ಲಿ ಮತ್ತಿಬ್ಬರು ಪೊಲೀಸರು ಸಿಬ್ಬಂದಿಗಳು ಗಾಯಗೊಂಡಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ 9 ಮಂದಿಯನ್ನು ಪೊಲೀಸರು ಬಂಧಿಸಿದ್ದಾರೆ.
