17 ವರ್ಷದ ಅನಾಥ ಯುವತಿ ಮೇಲೆ ಅತ್ಯಾಚಾರ

ಹೈದರಾಬಾದ್: ಬರ್ತ್ ಡೇ ಪಾರ್ಟಿಗೆಂದು ಹೋಗಿದ್ದ 17 ವರ್ಷದ ಅನಾಥ ಯುವತಿ ಮೇಲೆ ಪರಿಚಿತನೇ ಅತ್ಯಾಚಾರವೆಸಗಿದ್ದಾನೆ.

ಅನಾಥೆಯಾಗಿದ್ದ ಯುವತಿ ಹಾಸ್ಟೆಲ್ ನಲ್ಲಿ ನೆಲೆಸಿದ್ದಳು. ಆದರೆ ವಾರ್ಡನ್ ಗೂ ತಿಳಿಸದೇ ಆಕೆ ಗೆಳತಿಯ ಬರ್ತ್ ಡೇ ಪಾರ್ಟಿಗೆ ಬಂದಿದ್ದಳು. ಈ ವೇಳೆ ಅಲ್ಲಿ ಆಕೆಗೆ ಸ್ನೇಹಿತ ಸುರೇಶ್ ಸಿಕ್ಕಿದ್ದ. ಆತನಿಗೆ ಮೊದಲೇ ಯುವತಿಯ ಪರಿಚಯವಿತ್ತು. ಈ ಮೊದಲು ಯುವತಿಗೆ ಮೊಬೈಲ್ ಫೋನ್ ನನ್ನೂ ಉಡುಗೊರೆಯಾಗಿ ನೀಡಿದ್ದ.

ಪಾರ್ಟಿ ನಡುವೆ ಆರೋಪಿ ಸುರೇಶ್ ಯುವತಿಯನ್ನು ಪಾರ್ಕಿಂಗ್ ಪ್ರದೇಶಕ್ಕೆ ಕರೆದಿದ್ದು, ಅಲ್ಲಿ ಕಾರ್ ಒಳಗೆ ಬಲವಂತವಾಗಿ ತಳ್ಳಿ ಅತ್ಯಾಚಾರವೆಸಗಿದ್ದಾನೆ. ಇದೀಗ ಘಟನೆ ಬಗ್ಗೆ ಪ್ರಕರಣ ದಾಖಲಾಗಿದ್ದು, ಆರೋಪಿಯನ್ನು ಬಂಧಿಸಲಾಗಿದೆ.