ಮಕ್ಕಳಿಗೆ ವಿಷವುಣಿಸಿ ತಾನೂ ಸಾಯಲು ಹೊರಟ ತಾಯಿ

ಚೆನ್ನೈ: ಕೌಟುಂಬಿಕ ಕಲಹದಿಂದ ಬೇಸತ್ತ ಮಹಿಳೆಯೊಬ್ಬಳು ತನ್ನ ಇಬ್ಬರು ಹೆಣ್ಣು ಮಕ್ಕಳಿಗೆ ವಿಷವುಣಿಸಿ ತಾನೂ ಸಾಯಲು ಹೊರಟ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

ಈ ಘಟನೆಯಲ್ಲಿ ಮಕ್ಕಳಿಬ್ಬರೂ ಸಾವನ್ನಪ್ಪಿದ್ದು, ಮಹಿಳೆಯನ್ನು ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. 9 ತಿಂಗಳ ಹಿಂದೆ ಮಹಿಳೆ ಗಂಡನಿಂದ ಬೇರ್ಪಟ್ಟು ತವರು ಮನೆ ಸೇರಿದ್ದಳು.

ಇತ್ತೀಚೆಗೆ ಆಕೆಯ ತಾಯಿ, ಸಹೋದರರು ಮರಳಿ ಗಂಡನ ಮನೆಗೆ ಹೋಗುವಂತೆ ಒತ್ತಾಯಿಸುತ್ತಿದ್ದರು. ಈ ಸಂಬಂಧ ಆಗಾಗ ಆಕೆಗೂ ತವರು ಮನೆಯವರಿಗೂ ಕಲಹವಾಗುತ್ತಿತ್ತು. ಇದರಿಂದ ಬೇಸತ್ತ ಆಕೆ ಇಲಿ ಪಾಷಾಣ ನೀಡಿ ಮಕ್ಕಳಿಬ್ಬರನ್ನೂ ಸಾಯಿಸಿದ್ದಾಳೆ.