ದೇಹಬಾಧೆ ತೀರಿಸಲು ಹೋದ ಯುವತಿಯ ಮಾನಭಂಗ

ವಡೋದರ: ದೇಹಬಾಧೆ ತೀರಿಸಲೆಂದು ಮಧ್ಯರಾತ್ರಿ ಮನೆಯಿಂದ ಹೊರಗೆ ಬಂದ ಅಪ್ರಾಪ್ತ ಯುವತಿಯನ್ನು ದುರುಳರು ಮಾನಭಂಗ ಮಾಡಿದ ಘಟನೆ ಗುಜರಾತ್ ನಲ್ಲಿ ನಡೆದಿದೆ.

ಯುವತಿ ತಂದೆಯೊಡನೆ ತನ್ನ ಸಂಬಂಧಿಕರ ಮನೆಗೆ ಹೋಗಿದ್ದಳು. ರಾತ್ರಿ ವೇಳೆ ಅಲ್ಲಿಯೇ ಇಬ್ಬರೂ ತಂಗಿದ್ದರು. ಮಧ್ಯರಾತ್ರಿ ಸುಮಾರು 1.30 ರ ಸುಮಾರಿಗೆ ಬಹಿರ್ದೆಸೆ ತೀರಿಸಲು ಹೋದ ಯುವತಿಯನ್ನು ಹಿಂದಿನಿಂದ ಬಂದು ಹಿಡಿದುಕೊಂಡ ಆರೋಪಿ ನಿರ್ಜನ ಪ್ರದೇಶಕ್ಕೆ ಕರೆದೊಯ್ದು ಮಾನಭಂಗ ಮಾಡಿದ್ದಾನೆ. ಆರೋಪಿಯ ಜತೆಗೆ ಇಬ್ಬರು ಸಂಗಡಿಗರೂ ಇದ್ದರು ಎನ್ನಲಾಗಿದೆ. ಸಂತ್ರಸ್ತೆ ಜೋರಾಗಿ ಕೂಗಿಕೊಂಡಾಗ ಎಲ್ಲರೂ ಪರರಾರಿಯಾಗಿದ್ದಾರೆ. ಆದರೆ ಈಗ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.