ಹೆಂಡತಿಯನ್ನು ಕೊಲೆ ಮಾಡಲು ಸ್ಕೆಚ್ ಹಾಕಿದ: ಆದರೆ ಸತ್ತಿದ್ದು ಅತ್ತೆ!

ಇಂಧೋರ್: ಹೆಂಡತಿಯನ್ನು ಕೊಲೆ ಮಾಡಲು ಪಾಪಿ ಪತಿ ಸ್ಕೆಚ್ ಹಾಕಿದ್ದ. ಆದರೆ ದುರದೃಷ್ಟವಶಾತ್ ಬಲಿಯಾಗಿದ್ದು ಅತ್ತೆ! ಇಂತಹದ್ದೊಂದು ಘಟನೆ ಮಧ್ಯಪ್ರದೇಶದಲ್ಲಿ ನಡೆದಿದೆ.

ಮದ್ಯವ್ಯಸನಿಯಾಗಿದ್ದ ಪತಿ ಸದಾ ಪತ್ನಿ ಜೊತೆ ಜಗಳವಾಡುತ್ತಿದ್ದ. ಈ ಬಾರಿಯೂ ಇಬ್ಬರ ನಡುವೆ ಕಿತ್ತಾಟವಾಗಿ ಪತ್ನಿ ತವರಿಗೆ ತೆರಳಿದ್ದಳು. ಆಕೆಯನ್ನು ಹಿಂಬಾಲಿಸಿದ ಪತಿ ಆಕೆಯ ತವರಿನ ಮುಖ್ಯ ಧ್ವಾರಕ್ಕೆ ವಿದ್ಯುತ್ ವಯರ್ ಕನೆಕ್ಷನ್ ನೀಡಿ ಹೆಂಡತಿಯನ್ನು ಕೊಲೆ ಮಾಡಲು ಸ್ಕೆಚ್ ಹಾಕಿದ್ದ.

ದುರದೃಷ್ಟವಶಾತ್ ಹೆಂಡತಿ ಬದಲು ಅತ್ತೆ ಬಾಗಿಲು ಮುಟ್ಟಿದ್ದು ಶಾಕ್ ಹೊಡೆದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಘಟನೆ ಬಳಿಕ ಆರೋಪಿ ಸ್ಥಳದಿಂದ ಪರಾರಿಯಾಗಿದ್ದ. ಇದೀಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

-Edited by Rajesh Patil