ಪದೇ ಪದೇ ಮಾವಿನ ಹಣ್ಣು ಕೇಳಿದ್ದಕ್ಕೆ ಮಗುವಿನ ಕೊಲೆ ಮಾಡಿದ ಮಾವ

ಲಕ್ನೋ: ಊಟ ಮಾಡುತ್ತಿದ್ದಾಗ ಮಗು ಪದೇ ಪದೇ ಮಾವಿನ ಹಣ್ಣು ಕೇಳಿದ್ದಕ್ಕೆ ಮಾವ 5 ವರ್ಷದ ಮಗುವನ್ನು ಕೊಲೆ ಮಾಡಿದ ಘಟನೆ ನಡೆದಿದೆ.

ಮಾವಿನ ಹಣ್ಣು ಕೇಳಿದ್ದರಿಂದ ಕಿರಿ ಕಿರಿಗೊಳಗಾದ ಆರೋಪಿ ಮಗುವಿನ ಮೇಲೆ ಕಬ್ಬಿಣದ ರಾಡ್ ನಿಂದ ತಲೆಗೆ ಹೊಡೆದಿದ್ದಾನೆ. ಬಳಿಕ ಕುತ್ತಿಗೆ ಸೀಳಿ ಬರ್ಬರವಾಗಿ ಕೊಲೆ ಮಾಡಿದ್ದಾನೆ. ಮೃತದೇಹವನ್ನು ಗೋಣಿ ಚೀಲಕ್ಕೆ ತುಂಬಿ ಬಿಸಾಕಿದ್ದಾನೆ.

ಮಗುವಿನ ಪೋಷಕರು ಕೂಲಿ ಕಾರ್ಮಿಕರಾಗಿದ್ದು, ಮಗು ಕಾಣುತ್ತಿಲ್ಲವೆಂದು ಹುಡುಕಾಡುವಾಗ ಆರೋಪಿಯೂ ಜೊತೆಯಾಗಿದ್ದಾನೆ. ಆದರೆ ಪೊಲೀಸರು ತನ್ನ ಮೇಲೆ ಸಂಶಯ ಪಡುತ್ತಿದ್ದಂತೇ ನಾಪತ್ತೆಯಾಗಿದ್ದಾನೆ. ಇದೀಗ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಆರೋಪಿಯನ್ನು ಬಂಧಿಸಿದ್ದಾರೆ.