GSLV ರಾಕೆಟ್ ಉಡಾಯಿಸಿ ಶತಕ ಸಿಡಿಸಿದ ಇಸ್ರೋ

ಶ್ರೀಹರಿಕೋಟಾ: ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಂದು ಹೊಸ ದಾಖಲೆ ಮಾಡಿದೆ. ಜಿಎಸ್ಎಲ್ ವಿ ರಾಕೆಟ್ ಉಡಾಯಿಸಿ ಹೊಸ ದಾಖಲೆ ಮಾಡಿದೆ.

ಇಂದು ಬೆಳಿಗ್ಗೆ 6.30 ಕ್ಕೆ ಇಸ್ರೋ ಸತೀಶ್ ಧವನ್ ಬಾಹ್ಯಾಕೇಶ ಕೇಂದ್ರದಿಂದ ನಾವಿಕ್ ಯೋಜನೆಯ ಎರಡನೇ ತಲೆಮಾರಿನ ಉಪಗ್ರಹ ಎನ್ ವಿಎಸ್ -02 ರನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದೆ. ಇದರೊಂದಿಗೆ 100 ನೇ ಉಪಗ್ರಹ ಲಾಂಚ್ ಮಾಡಿ ದಾಖಲೆಯನ್ನು ಮಾಡಿದೆ.

ಉಪಗ್ರಹ ಉಡಾವಣೆ ಯಶಸ್ವಿಯಾದ ಸುದ್ದಿಯನ್ನು ಖಚಿತಪಡಿಸಿದ ಇಸ್ರೋ ಮುಖ್ಯಸ್ಥ ನಾರಾಯಣನ್, ನಿಗದಿಪಡಿಸಿದ ಕಕ್ಷೆಗೆ ಉಪಗ್ರಹ ತಲುಪಿದೆ. ಈ ಉಪಗ್ರಹ ಉಡಾವಣೆ ಇಸ್ರೋ ಪಾಲಿಗೆ ಮಹತ್ವದ ಮೈಲಿಗಲ್ಲು ಎಂದು ಸಂಭ್ರಮ ವ್ಯಕ್ತಪಡಿಸಿದ್ದಾರೆ.

ಶ್ರೀಹರಿಕೋಟಾದಿಂದ 1979 ರಲ್ಲಿ ಇಸ್ರೋ ಮೊದಲ ರಾಕೆಟ್ ಉಡಾವಣೆ ಮಾಡಿತ್ತು. ಇದಾದ ಬಳಿಕ ಈಗ 46 ವರ್ಷ ಕಳೆದಿದೆ. ಇಷ್ಟು ವರ್ಷಗಳಲ್ಲಿ ಇದು 100 ನೇ ರಾಕೆಟ್ ಉಡಾವಣೆ ಮಾಡಿದೆ.

ಇಸ್ರೋದ ಪ್ರಾದೇಶಿಕ ಸಂಚರಣೆ ಉಪಗ್ರಹ ವ್ಯವಸ್ಥೆಗೆ ಮೊದಲು ಭಾರತೀಯ ಪ್ರಾದೇಶಿಕ ಪಥದರ್ಶಕ ಉಪಗ್ರಹ ವ್ಯವಸ್ಥೆ ಎನ್ನಲಾಗುತ್ತಿತ್ತು. ಈಗ ಇದನ್ನು ಕಾರ್ಯಾಚರಣೆ ಮಾಡುವ ಉದ್ದೇಶದಿಂದ ನಾವಿಕ್ ಹೆಸರಿನಿಂದ ಕರೆಯಲಾಗುತ್ತದೆ. ನಾವಿಕ್ ನಲ್ಲಿ 7 ಉಪಗ್ರಹಗಳಿವೆ. ಈ ಉಪಗ್ರಹಗಳು ಭಾರತಕ್ಕೆ ಮಾತ್ರ ಸೀಮಿತವಾಗಿರುತ್ತದೆ.