ಚಪಾತಿ ಕಾರಣಕ್ಕೆ ಹೋಟೆಲ್ ಮಾಲೀಕನ ಮೇಲೆ ಬಿತ್ತು ಗುಂಡು !

ಆಗ್ರಾ : ಊಟ ಮಾಡಲು ಬಂದ ಇಬ್ಬರು ಯುವಕರು ಸೇರಿ ರಸ್ತೆ ಬದಿಯ ಉಪಹಾರ ಗೃಹ ಮಾಲೀಕನಿಗೆ ಗುಂಡು ಹಾರಿಸಿದ ಘಟನೆ ಉತ್ತರ ಪ್ರದೇಶದಲ್ಲಿ ವರದಿಯಾಗಿದೆ.

ರಾತ್ರಿಯ ವೇಳೆ ಇಬ್ಬರು ಯುವಕರು ರಸ್ತೆ ಬದಿಯ ಉಪಹಾರ ಗೃಹಕ್ಕೆ ಬಂದು ಊಟ ನೀಡುವಂತೆ ಹೇಳಿದ್ದಾರೆ. ಆ ವೇಳೆ ಊಟ ಬಡಿಸಲು ಬಂದ ಮಾಲೀಕ ತಣ್ಣಗಾದ ಚಪಾತಿಯನ್ನು ನೀಡಿದ್ದಾನೆ. ಇದರಿಂದ ಮೂವರ ನಡುವೆ ಗಲಾಟೆ ನಡೆದಿದ್ದು, ಯುವಕರು ಪರವಾನಗಿ ಪಡೆದ ಗನ್  ನಿಂದ ಮಾಲೀಕನ ಕಾಲಿಗೆ ಶೂಟ್ ಮಾಡಿದ್ದಾನೆ.

ಗಾಯಗೊಂಡ ಮಾಲೀಕನನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಬಗ್ಗೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಇಬ್ಬರು ಆರೋಪಿಗಳನ್ನು ವಶಕ್ಕೆ ಪಡೆದಿದ್ದಾರೆ ಎನ್ನಲಾಗಿದೆ.