ಚಂಡೀಗಢ : ತನಗಿಂತ ಅತ್ತೆ ಮಾವನನ್ನೇ ಹೆಚ್ಚು ಇಷ್ಟಪಡುತ್ತದೆ ಎಂದು ತಾಯಿಯೊಬ್ಬಳು ತನ್ನ ಹೆತ್ತ ಮಗನನ್ನೇ ಕೊಲೆ ಮಾಡಿದ ಘಟನೆ ಪಂಜಾಬ್ ನ ಜಲಂಧರ್ ನಗರದಲ್ಲಿ ನಡೆದಿದೆ.
ಕುಲ್ವಿಂದರ್ ಕೌರ್(30)ಕೊಲೆ ಮಾಡಿದ ತಾಯಿ, ಈಕೆಯ ಪತಿ ಇಟಲಿಯಲ್ಲಿ ಕೆಲಸ ಮಾಡುತ್ತಿದ್ದು, ಈಕೆ ಅತ್ತೆ ಮಾವ ಹಾಗೂ ತನ್ನ 6 ವರ್ಷದ ಮಗನ ಜೊತೆ ವಾಸವಾಗಿದ್ದಳು. ಈಕೆಗೆ ಅತ್ತೆ ಮಾವನನ್ನು ನೋಡಿದರೆ ಆಗುತ್ತಿರಲಿಲ್ಲ, ಆದರೆ ಆಕೆಯ ಮಗನಿಗೆ ಮಾತ್ರ ಅಜ್ಜಿ ತಾತ ಎಂದರೆ ತುಂಬಾ ಇಷ್ಟ. ಆದಕಾರಣ ಯಾವಾಗಲೂ ಅಜ್ಜಿ ತಾತನ ಜೊತೆ ಇರುತ್ತಿದ್ದ. ಇದರಿಂದ ಕೋಪಗೊಂಡ ತಾಯಿ ಚಾಕುವಿನಿಂದ ಮಗುವನ್ನು 2 ಬಾರಿ ಇರಿದು ಕೊಲೆ ಮಾಡಿ ತಾನು ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿದ್ದಾಳೆ.
ತಾಯಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ. ಆದರೆ ಮಗು ಮಾತ್ರ ಸಾವನಪ್ಪಿದೆ. ಈ ಬಗ್ಗೆ ತಾಯಿ ಕೌರ್ ವಿರುದ್ಧ ಕೊಲೆ ಪ್ರಕರಣ ದಾಖಲಾಗಿದೆ.