ಚಂಡೀಗಢ : ಪ್ರೀತಿಸಿದವಳ ಜೊತೆ ಅಣ್ಣ ಓಡಿಹೋಗಿದ್ದಕ್ಕೆ ಯುವತಿಯ ಕಡೆಯವರು ತಮ್ಮನನ್ನು ಸಜೀವವಾಗಿ ಸುಟ್ಟಿ ಹಾಕಿ ಕೊಂದ ಘಟನೆ ಪಂಜಾಬ್ ನ ಮಾನ್ಸಾ ಜಿಲ್ಲೆಯಲ್ಲಿ ನಡೆದಿದೆ.
ಜಸ್ಪ್ರೀತ್ ಸಿಂಗ್ (16) ಮೃತಪಟ್ಟ ಯುವಕ. ಜಸ್ಪ್ರೀತ್ ಅಣ್ಣ ಹಾಗೂ ಯುವತಿಯೊಬ್ಬಳು ಪ್ರೀತಿಸುತ್ತಿದ್ದು, ಯುವತಿಯ ಮನೆಯವರಿಗೆ ಇದು ಇಷ್ಟವಿರಲಿಲ್ಲ. ಆದಕಾರಣ ಅವರು 2 ವರ್ಷಗಳ ಹಿಂದೆ ಓಡಿಹೋಗಿ ಮದುವೆಯಾದರು. ಜಸ್ಪ್ರೀತ್ ಆಗಾಗ ಈ ಬಗ್ಗೆ ಯುವತಿಯ ಕುಟುಂಬದವರಿಗೆ ಹೀಯಾಳಿಸುತ್ತಿದ್ದ. ಇದರಿಂದ ಕೋಪಗೊಂಡ ಯುವತಿಯ ಕಡೆಯವರು ಆತನನ್ನು ರೈಸ್ ಮಿಲ್ ಗೆ ಎಳೆದುಕೊಂಡು ಹೋಗಿ ಕಂಬಕ್ಕೆ ಕಟ್ಟಿ ಬೆಂಕಿ ಹಚ್ಚಿ ಕೊಲೆ ಮಾಡಿದ್ದಾರೆ.
ಇತ್ತ ಜಸ್ಪ್ರೀತ್ ಮನೆಯವರು ಆತ ಕಾಣಿಯಾಗಿರುವ ಬಗ್ಗೆ ದೂರು ದಾಖಲಿಸಿದ ಹಿನ್ನಲೆಯಲ್ಲಿ ತನಿಖೆ ನಡೆಸಿದ ಪೊಲೀಸರಿಗೆ ಜಸ್ಪ್ರೀತ್ ಮೃತದೇಹ ಪತ್ತೆಯಾಗಿದ್ದು, ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಮೂವರನ್ನು ಬಂಧಿಸಿ ವಿಚಾರಣೆ ನಡೆಸುತ್ತಿದ್ದಾರೆ.