ಬಿಹಾರದಲ್ಲಿ ಕೇವಲ 2 ಸ್ಥಾನದಲ್ಲಿ ಮುನ್ನಡೆ, ರಾಹುಲ್ ಗಾಂಧಿಗೆ ಇದು 95 ನೇ ಸೋಲು

ಪಾಟ್ನಾ: ಬಿಹಾರ ಚುನಾವಣೆಯಲ್ಲಿ ಕಾಂಗ್ರೆಸ್ ಮತ್ತೆ ಕಳಪೆ ಪ್ರದರ್ಶನ ನೀಡಿದೆ. ಈ ಬಾರಿ ರಾಹುಲ್ ಗಾಂಧಿ ರಾಜ್ಯಾದ್ಯಂತ ಯಾತ್ರೆ ಮಾಡಿದರೂ ಈಗ ಮುನ್ನಡೆ ಸಾಧಿಸಿರುವುದು ಕೇವಲ 2 ಸ್ಥಾನದಲ್ಲಿ. ಇದು ರಾಹುಲ್ ಗೆ 95 ನೇ ಸೋಲು.

ಕಾಂಗ್ರೆಸ್ ಜೊತೆ ಸೇರಿಕೊಂಡು ಆರ್ ಜೆಡಿ ಕೂಡಾ ಕೈ ಸುಟ್ಟುಕೊಂಡಿದೆ. ಬಿಹಾರದಲ್ಲಿ ಚುನಾವಣೆ ಪೂರ್ವ ರಾಹುಲ್ ಗಾಂಧಿ ಮತಗಳ್ಳತನ ವಿಚಾರವಿಟ್ಟುಕೊಂಡು ರಾಜ್ಯಾದ್ಯಂತ ಯಾತ್ರೆ ಮಾಡಿದ್ದರು. ಆದರೆ ಬಿಹಾರ ಜನತೆಗೆ ಇದು ಯಾವುದೂ ಕನೆಕ್ಟ್ ಆಗಿಲ್ಲ.

ಬಿಹಾರದಲ್ಲಿ ಇದುವರೆಗೆ ಕಾಂಗ್ರೆಸ್ ಏಕಾಂಗಿಯಾಗಿ ಉತ್ತಮ ಪ್ರದರ್ಶನ ನೀಡಿದ ಉಹಾರಣೆಯಿಲ್ಲ. ಆದರೆ ಈ ಬಾರಿ ಕೇವಲ 2 ಸ್ಥಾನಗಳಲ್ಲಿ ಮಾತ್ರ ಮುನ್ನಡೆಯಲ್ಲಿದೆ. ಒಟ್ಟಾರೆ ಮಹಾಘಟಬಂಧನ 29 ಸ್ಥಾನದಲ್ಲಿ ಮುನ್ನಡೆಯಲ್ಲಿದೆ. ಆದರೆ ಎನ್ ಡಿಎ ಬರೋಬ್ಬರಿ 207 ಸ್ಥಾನಗಳಲ್ಲಿ ಮುನ್ನಡೆಯಲ್ಲಿದ್ದು ದಾಖಲೆಯ ಗೆಲುವಿನತ್ತ ದಾಪುಗಾಲಿಟ್ಟಿದೆ.

ಇದು ರಾಹುಲ್ ಗಾಂಧಿಗೆ 95 ನೇ ಸೋಲು ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬಿಜೆಪಿ ಐಟಿ ಸೆಲ್ ಮುಖ್ಯ್ಥ ಅಮಿತ್ ಮಾಳ್ವಿಯಾ ಅಂಕಿ ಅಂಶ ನೀಡಿದ್ದಾರೆ. ಈ ಹಿಂದೆ ಕರ್ನಾಟಕ, ತೆಲಂಗಾಣ ಸೇರಿದಂತೆ ಕೆಲವು ಕಡೆ ಕಾಂಗ್ರೆಸ್ ಗೆದ್ದರೂ ಅದು ಕೇವಲ ರಾಹುಲ್ ನಾಯಕತ್ವದಿಂದ ಗೆದ್ದಿದ್ದಲ್ಲ ಎನ್ನುವುದು ಗುಟ್ಟಿನ  ವಿಚಾರವೇನೂ ಅಲ್ಲ. ಅಲ್ಲಿನ ಸ್ಥಳೀಯ ನಾಯಕರ ವರ್ಚಸ್ಸು ಇಲ್ಲಿ ಮುಖ್ಯ ಪಾತ್ರ ವಹಿಸಿತ್ತು. ಹೀಗಾಗಿ ಈಗ 2004 ರಿಂದ ತೊಡಗಿ ಇಲ್ಲಿಯವರೆಗೆ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಕಾಂಗ್ರೆಸ್ ಅನುಭವಿಸಿದ ಸೋಲುಗಳ ಪಟ್ಟಿಯನ್ನು ಅಮಿತ್ ಮಾಳ್ವಿಯಾ ನೀಡಿದ್ದಾರೆ. ಅದು ಇಲ್ಲಿದೆ ನೋಡಿ.