ಬಿಹಾರ್: ತೀವ್ರ ವಾಂತಿ ಭೇದಿಯಿಂದ ಆಸ್ಪತ್ರೆಗೆ ದಾಖಲಾಗಿದ್ದ ಬಾಲಕನಿಗೆ ನಕಲಿ ವೈದ್ಯನೊಬ್ಬ ಯೂಟ್ಯೂಬ್ ನೋಡಿ ಶಸ್ತ್ರಚಿಕಿತ್ಸೆ ಮಾಡಿದ ಪರಿಣಾಮ 15ವರ್ಷದ ಬಾಲಕ ಸಾವನ್ನಪ್ಪಿದ ಘಟನೆ ಸರನ್ ಜಿಲ್ಲೆಯಲ್ಲಿ ನಡೆದಿದೆ.
ಕುಟುಂಬದ ಒಪ್ಪಿಗೆ ಇಲ್ಲದೇ 'ನಕಲಿ ವೈದ್ಯ ಅಜಿತ್ ಕುಮಾರ್ ಪುರಿ ಎಂಬಾತ ಶಸ್ತ್ರಚಿಕಿತ್ಸೆ ಮಾಡಿ, ಯುವಕ ಸಾವಿಗೆ ಕಾರಣನಾಗಿದ್ದಾನೆ.
ಯೂಟ್ಯೂಬ್‌ನ ಸೂಚನೆಗಳನ್ನು ಬಳಸಿಕೊಂಡು ಪಿತ್ತಕೋಶದ ಕಲ್ಲನ್ನು ತೆಗೆದುಹಾಕಲು 'ನಕಲಿ ವೈದ್ಯರು' ಶಸ್ತ್ರಚಿಕಿತ್ಸೆ ನಡೆಸಿದ ನಂತರ ಬಿಹಾರದ ಸರನ್ ಜಿಲ್ಲೆಯಲ್ಲಿ 15 ವರ್ಷದ ಬಾಲಕ ಸಾವನ್ನಪ್ಪಿದ್ದಾನೆ.
ಮೃತರ ಕುಟುಂಬದ ಪ್ರಕಾರ, ಯುವಕ ಹಲವಾರು ಬಾರಿ ವಾಂತಿ ಮಾಡಿಕೊಂಡ ನಂತರ ಅವರು ಬಾಲಕನನ್ನು ಸರನ್‌ನ ಗಣಪತಿ ಆಸ್ಪತ್ರೆಗೆ ಕರೆತಂದರು ಮತ್ತು ಅವರು ತಮ್ಮ ಒಪ್ಪಿಗೆಯಿಲ್ಲದೆ 'ವೈದ್ಯರು' ಆಪರೇಷನ್ ಮಾಡಿದ್ದಾರೆ ಎಂದು ಹೇಳಿದ್ದಾರೆ.
ಅವರ ವಿದ್ಯಾರ್ಹತೆಯ ಬಗ್ಗೆ ಅನುಮಾನವಿದ್ದರೂ ನಕಲಿ ವೈದ್ಯ ಅಜಿತ್ ಕುಮಾರ್ ಪುರಿಯ ಬಳಿಗೆ ಏಕೆ ಕರೆದೊಯ್ದಿರಿ ಎಂದು ಕೇಳಿದಾಗ, ವಾಂತಿ ನಿಲ್ಲಿಸಲು ಕೇಳಿಕೊಂಡೆವು. ಆದರೆ ಅವರು ನಮ್ಮ ಒಪ್ಪಿಗೆಯಿಲ್ಲದೆ ಅಪರೇಷನ್ ಮಾಡಿದ್ದಾರೆ ಎಂದು ದೂರಿದರು.
