ಏರ್ಪೋರ್ಟ್ ರಸ್ತೆಯಲ್ಲಿ ಅತಿವೇಗವಾಗಿ ಬಂದ ಡ್ಯೂಕ್ ಬೈಕ್ ರೋಡ್ ಡಿವೈಡರ್ ಕಬ್ಬಿಣದ ಗ್ರಿಲ್ ಗೆ ಡಿಕ್ಕಿ ಹೊಡೆದಿದೆ. ಪರಿಣಾಮ ಬೈಕ್ ನಲ್ಲಿದ್ದ ಯುವಕನ ಕೈ ಕಟ್ ಆಗಿ ಬಿದ್ದಿದೆ. ಇನ್ನು ಯುವಕನ ಜೊತೆಯಲ್ಲಿದ್ದ ಯುವತಿ ಸ್ಥಳದಲ್ಲೆ ಸಾವನ್ನಪ್ಪಿದ್ದಾಳೆ. ಬೆಂಗಳೂರು ಏರ್ಪೋರ್ಟ್ ರಸ್ತೆ ಯಲಹಂಕ ಸಂಚಾರಿ ಪೊಲೀಸ್ ಠಾಣೆ ವ್ಯಾಪ್ತಿಯ ಜಕ್ಕೂರು ಪ್ಲಾಂಟೇಷನ್ ಪ್ಲೈಓವರ್ ಬಳಿ ಘಟನೆ ನಡೆದಿದೆ. ಇಂದು ಮದ್ಯಾಹ್ನ 1-40ರಿಂದ 2ಗಂಟೆ ನಡುವೆ ಅಪಘಾತ ಸಂಭವಿಸಿದೆ. ಗೆಳೆಯನ ಡ್ಯೂಕ್ ಬೈಕ್ ನುಜ್ಜುಗುಜ್ಜಾಗಿದೆ. ಬರ್ತ್ ಡೇ ದಿನವೇ ಯುವಕ ಕೈ ತುಂಡರಿಸಿ,ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ ಬೆಂಗಳೂರು ಉತ್ತರ ಸಂಚಾರ ವಿಭಾಗದ ಪೊಲೀಸರು ಮಾತನಾಡಿ, ಅತಿವೇಗವೇ ಈ ದುರಂತ ಅಪಘಾತಕ್ಕೆ ಕಾರಣ ಎಂದರು.