ಅಧಿಕಾರ ಯಾರಿಗೆ?: ನಂಬರ್ ಗೇಮ್ ನತ್ತ ಜೆಡಿಎಸ್, ಕಾಂಗ್ರೆಸ್, ಬಿಜೆಪಿ ಚಿತ್ತ

ಮೈತ್ರಿ ಸರಕಾರಕ್ಕೆ ರಾಜೀನಾಮೆ ನೀಡುವ ಮೂಲಕ ಜೆಡಿಎಸ್ – ಕಾಂಗ್ರೆಸ್ ಶಾಸಕರು ಶಾಕ್ ನೀಡಿದ್ದಾರೆ. ಏತನ್ಮಧ್ಯೆ ರಾಜ್ಯದಲ್ಲಿ ಚುಕ್ಕಾಣಿ ಹಿಡಿಯಲು ಮತ್ತೆ ನಂಬರ್ ಗೇಮ್ ಶುರುವಾಗಿದೆ.

ಸರಕಾರದ ವಿರುದ್ಧ ಹಾಗೂ ಆಯಾ ಪಕ್ಷಗಳ ಮುಖಂಡರ ನಡುವಿನ ವೈಮನಸ್ಸಿನಿಂದಾಗಿ ಜೆಡಿಎಸ್ – ಕಾಂಗ್ರೆಸ್ ಪಕ್ಷಗಳ ಶಾಸಕರು ರಾಜೀನಾಮೆ ದಾರಿ ತುಳಿದಿದ್ದಾರೆ. ಸ್ಪೀಕರ್ ಕಚೇರಿಗೆ ರಾಜೀನಾಮೆ ಪತ್ರ ಸಲ್ಲಿಸಿದ್ದಾರೆ.

ರಾಜಕೀಯ ಕ್ಷಿಪ್ರ ಬೆಳವಣಿಗೆಯು ಸದನದ ಸಂಖ್ಯಾಬಲ ಹಾಗೂ ಮುಂದಿನ ಅಧಿಕಾರ ನಡೆಸುವ ಅವಕಾಶಗಳ ಬಗ್ಗೆ ಲೆಕ್ಕಾಚಾರಕ್ಕೆ ಕಾರಣವಾಗಿದೆ.

ಸದನದ ಒಟ್ಟು ಬಲ: 224
ಕಾಂಗ್ರೆಸ್: 79
ಬಿಜೆಪಿ: 105
ಪಕ್ಷೇತರ: 2
ಜೆಡಿಎಸ್ 38


ಒಟ್ಟು ರಾಜೀನಾಮೆ ನೀಡಿರೋ ಶಾಸಕರ ಸಂಖ್ಯೆ ಸಧ್ಯಕ್ಕೆ: 14
ಕಾಂಗ್ರೆಸ್: 79-12= 67
ಬಿಜೆಪಿ: 105
ಪಕ್ಷೇತರರು: 2
ಜೆಡಿಎಸ್: 38-2=36

ಅತೃಪ್ತ ಶಾಸಕರ ರಾಜೀನಾಮೆ ಸ್ವೀಕಾರವಾದರೆ ಆಗ ಸದನದಲ್ಲಿ 210 ಶಾಸಕರ ಸಂಖ್ಯೆ ಇರುತ್ತದೆ. ಅಧಿಕಾರಕ್ಕೆ ಏರಲು ಮ್ಯಾಜಿಕ್ ಸಂಖ್ಯೆ 106 ಬೇಕಾಗುತ್ತದೆ. ಆ ಸಂದರ್ಭದಲ್ಲಿ ಬಿಜೆಪಿಯು ಬಿಎಸ್ಪಿ ಅಥವಾ ಪಕ್ಷೇತರ ಶಾಸಕರೊಬ್ಬರ ಸಹಾಯದಿಂದ ಸರಕಾರ ರಚನೆಗೆ ಮುಂದಾಗುವ ಲಕ್ಷಣಗಳಿವೆ.