ನೆರೆಯಿಂದ ಜನರು ತತ್ತರಿಸುತ್ತಿರುವ ಈ ವೇಳೆ ಭಾರೀ ಟೀಕೆಗೆ ಗುರಿಯಾಯ್ತು ಬಿಜೆಪಿ ಸರ್ಕಾರದ ಈ ಕೆಲಸ

ಬೆಂಗಳೂರು : ಮಳೆ, ನೆರೆಯಿಂದ ರಾಜ್ಯದ ಜನರು ತತ್ತರಿಸುತ್ತಿರುವ ಈ ವೇಳೆ ಬಿಜೆಪಿ ಸರ್ಕಾರ ಶತದಿನದ ಸಂಭ್ರಮ ಆಚರಿಸಲು ತಯಾರಿ ನಡೆಸುತ್ತಿದೆ.

ನವೆಂಬರ್ 2ಕ್ಕೆ ಸಿಎಂ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರ ಅಧಿಕಾರಕ್ಕೆ ಬಂದು 100 ದಿನವಾಗಲಿದೆ. ಈ ಹಿನ್ನಲೆಯಲ್ಲಿ ಈ ದಿನವನ್ನು ಸಂಭ್ರಮದಿಂದ ಆಚರಿಸಲು ಮತ್ತು ತಮ್ಮ ನೂರು ದಿನದ ಸಾಧನೆಗಳ ಬಗ್ಗೆ ತಿಳಿಸಲು  ಸಿಎಂ ಯಡಿಯೂರಪ್ಪ ಫೋಟೊಶೂಟ್  ಮಾಡಿಸಿಕೊಳ್ಳುತ್ತಿದ್ದಾರೆ.

ಮಳೆ,ನೆರೆಯಿಂದ ತತ್ತರಿಸಿ ಹೋದ ಜನರು ಸಾವು ನೋವು ಅನುಭವಿಸುತ್ತಿರುವ  ಈ ವೇಳೆ ಸರ್ಕಾರದ ಸಂಭ್ರಮಾಚರಣೆ ಮುಖ್ಯವೇ ಎಂಬ ಟೀಕೆ ವ್ಯಕ್ತವಾಗುತ್ತಿದೆ.