ಪತ್ನಿ ಜೊತೆ ಸಲುಗೆಯಿಂದಿದ್ದ ಆಟೋ ಚಾಲಕನ ಹತ್ಯೆಗೆ ರೌಡಿ ಶೀಟರ್ ಸ್ಕೆಚ್

ಬೆಂಗಳೂರು: ತನ್ನ ಪತ್ನಿ ಜೊತೆಗೆ ಸಲುಗೆಯಿಂದಿದ್ದ ಆಟೋ ಚಾಲಕನ ಕೊಲೆಗೆ ರೌಡಿ ಶೀಟರ್ ಜೈಲಿನಿಂದಲೇ ಸಂಚು ರೂಪಿಸಿದ್ದು ಇದೀಗ ಬಯಲಾಗಿದೆ.

ಈ ಸಂಬಂಧ ರೌಡಿ ಶೀಟರ್ ಪೋಷಕರು, ಸಹೋದರನನ್ನು ಪೊಲೀಸರು ಬಂಧಿಸಿದ್ದಾರೆ. ಜೈಲಿನಲ್ಲಿದ್ದ ರೌಡಿ ಶೀಟರ್ ತನ್ನ ಸಹಚರರಿಗೆ ಸೂಚನೆ ನೀಡಿ ಆಟೋ ಚಾಲಕನನ್ನು ಅಪಹರಿಸಿದ್ದರು. ನಂತರ ಕೊಲೆಗೈದು ಮೃತದೇಹವನ್ನು ಬಿಸಾಕಲು ಯೋಜನೆ ಹಾಕಿದ್ದರು.

ಆದರೆ ಈ ಮಾಹಿತಿ ಪಡೆದ ಪೊಲೀಸರು ಗಾಯಗೊಂಡಿದ್ದ ಆಟೋ ಚಾಲಕನನ್ನು ರಕ್ಷಿಸಿದ್ದಾರೆ. ಇನ್ನು, ಈ ಕೃತ್ಯಕ್ಕೆ ಸಹಕರಿಸಿದ ರೌಡಿ ಶೀಟರ್ ಪೋಷಕರು, ಸಹೋದರ, ಸಹೋದರಿ ಸೇರಿದಂತೆ ಸಹಚರರನ್ನು ಪೊಲೀಸರು ಬಂಧಿಸಿದ್ದಾರೆ.