ದರ್ಶನ್ ರಿಂದಾಗಿ ಬೀದಿಗೆ ಬಂದ ಆರೋಪಿ ರವಿ ಪತ್ನಿ, ಮಕ್ಕಳು

ಬೆಂಗಳೂರು: ಚಿತ್ರದುರ್ಗದ ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ದರ್ಶನ್ ಜೊತೆಗೆ ಬಂಧಿತರಾಗಿರುವ ಆರೋಪಿ ರವಿ ಕುಟುಂಬ ಈಗ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿ ಬೀದಿಗೆ ಬಂದಿದೆ.

ದರ್ಶನ್ ಆದೇಶದಂತೆ ರಾಘವೇಂದ್ರ, ಅನುಕುಮಾರ್ ಇದೇ ರವಿಶಂಕರ್ ಕಾರಿನಲ್ಲಿ ರೇಣುಕಾಸ್ವಾಮಿಯನ್ನು ಬೆಂಗಳೂರಿಗೆ ಕರೆ ತಂದಿದ್ದರು. ಇದೀಗ ರವಿ ಕೂಡಾ ಪ್ರಕರಣದಲ್ಲಿ 8 ನೇ ಆರೋಪಿಯಾಗಿ ಜೈಲು ಸೇರಿದ್ದಾನೆ. ಆದರೆ ರವಿ ಕುಟುಂಬಕ್ಕೆ ಏಕೈಕ ಆಧಾರವಾಗಿದ್ದ.

ದರ್ಶನ್ ದೆಸೆಯಿಂದಾಗಿ ರವಿ ಕುಟುಂಬ ಈಗ ಬೀದಿಗೆ ಬಿದ್ದಿದೆ. ರವಿ ದುಡಿದು ತರುತ್ತಿದ್ದ ಹಣದಲ್ಲಿ ಜೀವನ ಸಾಗುತ್ತಿತ್ತು. ಆದರೆ ಈಗ ರವಿ ಬಂಧಿತರಾಗಿರುವುದರಿಂದ ಕುಟುಂಬ ಹಣವಿಲ್ಲದೇ ಜೀವನ ಸಾಗಿಸಲು ಹೆಣಗಾಡುತ್ತಿದೆ. ರವಿ ತಾಯಿ ಅನಾರೋಗ್ಯ ಪೀಡಿತರಾಗಿದ್ದು ಅವರಿಗೆ ಔಷಧಿ ತರಲೂ ದುಡ್ಡಿಲ್ಲದ ಪರಿಸ್ಥಿತಿಯಾಗಿದೆ.

ಇನ್ನು ರವಿ ಮಕ್ಕಳನ್ನು ಶಾಲೆಗೆ ಫೀಸ್ ಕಟ್ಟಲಾಗದೇ ತಾಯಿಯೇ ಶಾಲೆ ಬಿಡಿಸಿದ್ದಾರೆ. ರವಿ ಇಲ್ಲದೇ ಈಗ ಕುಟುಂಬ ಸರಿದೂಗಿಸುವುದೇ ಪತ್ನಿಗೆ ತಲೆನೋವಾಗಿದೆ. ಯಾರೂ ಸಹಾಯಕ್ಕೆ ಬರುತ್ತಿಲ್ಲ. ಗಂಡನನ್ನು ಬಿಡಿಸಿಕೊಳ್ಳಲೂ ದುಡ್ಡಿಲ್ಲ ಎನ್ನುವ ಪರಿಸ್ಥಿತಿಯಾಗಿದೆ. ದರ್ಶನ್ ದೆಸೆಯಿಂದಾಗಿ ಈ ಕುಟುಂಬ ಈಗ ಬೀದಿಗೆ ಬಂದಿದೆ.