ಬಾಗಲಕೋಟೆ : ಕೆಲಸ ಮಾಡುವವರಿಗೆ ವೋಟ್ ಹಾಕಿ. ನಿದ್ದೆ ಮಾಡುವವರಿಗೆ ವೋಟ್ ಹಾಕಬೇಡಿ ಎಂಬ ಸಿದ್ದರಾಮಯ್ಯ ಅವರ ಹೇಳಿಕೆಗೆ ಬಿಜೆಪಿ ನಾಯಕ ಕೆ.ಎಸ್.ಈಶ್ವರಪ್ಪ ತಿರುಗೇಟು ನೀಡಿದ್ದಾರೆ.
ನಿಮ್ಮ ಬೇರೆ ಮಾತಿಗೆ ಕನ್ನಡಿಗರು ವಿರೋಧಿಸಬಹುದು. ಆದ್ರೆ ಈ ಮಾತನ್ನ ಜನ ಬಹಳ ಗಂಭೀರವಾಗಿ ಪರಿಗಣಿಸಿ ವೋಟ್ ಹಾಕಿದ್ದಾರೆ. ಅದಕ್ಕೆ 1+1 ಬಂದಿರುವುದು ಎಂದು ಈಶ್ವರಪ್ಪ ಟ್ವೀಟ್ ಮೂಲಕ ತಿರುಗೇಟು ನೀಡಿದ್ದಾರೆ.
ರಾಜ್ಯದ ಜನರು ನೀವೇನು ಮಾಡಲ್ಲ ನಿದ್ದೆ ಮಾಡಿ ಅಂತ ಮನೆಗೆ ಕಳಿಸಿದ್ದಾರೆ. ಮೋದಿ ಉತ್ತಮ ಕೆಲಸಗಾರ ಎಂದು ವೋಟ್ ಹಾಕಿದ್ದಾರೆ. ಸಿದ್ದರಾಮಯ್ಯ ಅಂತ ಕರೆಯೋದಿಲ್ಲ. ನಿಮ್ಮನ್ನ ನಿದ್ರಾಮಯ್ಯ ಅಂತ ಕರಿತಾರೆ. ನೀವು ಕೆಲಸ ಮಾಡಲಿಲ್ಲ ನಿದ್ದೆ ಮಾಡಿದ್ರಿ.ಅದಕ್ಕೆ ಜನ ನಿಮಗೆ ವೋಟ್ ಹಾಕಿಲ್ಲ ಎಂದು ಕೆ.ಎಸ್.ಈಶ್ವರಪ್ಪ ವ್ಯಂಗ್ಯ ಮಾಡಿದ್ದಾರೆ.
