ಗುಜರಾತ್​ ಎಲೆಕ್ಷನ್​​​ಗೆ ಮುಹೂರ್ತ ಫಿಕ್ಸ್

ಗುಜರಾತ್​ ಮಹಾಕದನಕ್ಕೆ ಮುಹೂರ್ತ ಫಿಕ್ಸ್​​​ ಮಾಡಲಾಗಿದೆ. 2 ಹಂತಗಳಲ್ಲಿ ಗುಜರಾತ್​ ವಿಧಾನಸಭಾ ಚುನಾವಣೆ ನಡೆಯಲಿದ್ದು, ಡಿಸೆಂಬರ್​ 1 ಮತ್ತು 5 ರಂದು ಎಲೆಕ್ಷನ್​ ನಡೆಯಲಿದೆ. ಡಿಸೆಂಬರ್​ 8 ರಂದು ಫಲಿತಾಂಶ ಪ್ರಕಟವಾಗಲಿದೆ. ಡಿಸೆಂಬರ್​ 1 ರಂದು 89 ಕ್ಷೇತ್ರಗಳಲ್ಲಿ ಮತದಾನ ನಡೆದ್ರೆ, ಡಿಸೆಂಬರ್​ 5 ರಂದು 93 ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತೆ. ಒಟ್ಟು 182 ಕ್ಷೇತ್ರಗಳಿಗೆ ಚುನಾವಣೆ ನಡೆಯುತ್ತಿದೆ. ನವೆಂಬರ್​ 5ರಿಂದ ನಾಮಪತ್ರ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗಲಿದೆ. ನವೆಂಬರ್​ 14 ನಾಮಪತ್ರ ಸಲ್ಲಿಸಲು ಕೊನೆ ದಿನವಾಗಿದ್ದು, ನವೆಂಬರ್​ 15 ರಂದು ನಾಮಪತ್ರಗಳ ಪರಿಶೀಲನೆ ನಡೆಯುತ್ತೆ. ನವೆಂಬರ್​ 17ರಂದು ನಾಮಪತ್ರ ವಾಪಸ್​ ಪಡೆಯಲು ಕೊನೆ ದಿನವಾಗಿರಲಿದೆ. ಗುಜರಾತ್ ಗದ್ದುಗೆಗಾಗಿ ವಿವಿಧ ಪಕ್ಷಗಳು ರಣತಂತ್ರ ರೂಪಿಸಿದ್ದು, BJPಗೆ ಸವಾಲ್​ ಹಾಕಲು ಆಮ್​ ಆದ್ಮಿ, ಕಾಂಗ್ರೆಸ್​ ಸಜ್ಜಾಗಿವೆ.