ಮುಡಾದಿಂದ ಒಬ್ಬೊಬ್ಬರಿಗೆ ಕೇಳಿದಷ್ಟು ಸೈಟು: ಮತ್ತೊಂದು ಪಟ್ಟಿಯಲ್ಲಿ ಬಯಲಾಯ್ತು ಶಾಕಿಂಗ್ ವಿಚಾರ

Photo Credit: Facebook

ಮೈಸೂರು: ಮುಡಾದಲ್ಲಿ ಸಿಎಂ ಸಿದ್ದರಾಮಯ್ಯ ಪತ್ನಿ ಪಾರ್ವತಿ ಹೆಸರಿನಲ್ಲಿ ಅಕ್ರಮವಾಗಿ ಸೈಟು ನೀಡಲಾಗಿದೆ ಎಂಬ ವಿಚಾರ ವಿವಾದವಾಗಿರುವ ಬೆನ್ನಲ್ಲೇ ಈಗ 50:50 ಅನುಪಾತದಲ್ಲಿ ಸೈಟು ಪಡೆದವರ ಮತ್ತೊಂದು ಲಿಸ್ಟ್ ಬಹಿರಂಗವಾಗಿದ್ದು, ಶಾಕಿಂಗ್ ಸತ್ಯಗಳು ಹೊರಬಂದಿವೆ.

ಸೈಟು ಪಡೆದವರ ಪಟ್ಟಿಯಲ್ಲಿ ಸಿಎಂ ಸಿದ್ದರಾಮಯ್ಯ ಪತ್ನಿ ಹೆಸರಿನಲ್ಲಿ ನೀಡಲಾಗಿರುವ 14 ಸೈಟು ಸೇರಿದಂತೆ ಒಟ್ಟು 125 ಜನರಿಗೆ 928 ಸೈಟು ಹಂಚಿಕೆ ಮಾಡಲಾಗಿದೆ ಎಂಬ ಅಂಶ ಬೆಳಕಿಗೆ ಬಂದಿದೆ. ಇದರಲ್ಲಿ ಸಿಎಂ ಆಪ್ತ ಹಿನಕಲ್ ಪಾಪಣ್ಣ, ಅಬ್ದುಲ್ ವಾಹಿದ್, ಅಬ್ದುಲ್ ವಾಜಿದ್, ಮೇ. ಕ್ಯಾಥಡ್ರಲ್ ಪ್ಯಾರಿಸ್ ಸೊಸೈಟಿಗೆ ಸೇರಿ 30 ಕ್ಕೂ ಹೆಚ್ಚು ಸೈಟು ನೀಡಲಾಗಿದೆ.

ಅದರಲ್ಲೂ ಮೇ. ಕ್ಯಾಥಡ್ರಲ್ ಸೊಸೈಟಿಗೆ ಗರಿಷ್ಠ 48 ಸೈಟು ನೀಡಲಾಗಿದೆ. ಉಳಿದಂತೆ ಮಹದೇವ 34, ಎಂ.ಎಸ್. ಸರ್ಪಭೂಷಣಾ ಎಂಬವರಿಗೆ 33 ಸೈಟು, ಪಾಪಣ್ಣ 32, ಸೈಯದ ನುಸ್ರತ್ ಅಪ್ಜ 31 ಸೈಟು, ನಾಗರಾಜ್ ಮತ್ತು ಶ್ರೀನಿವಾಸ್ ಎಂಬವರು 26 ಸೈಟು ಪಡೆದಿದ್ದಾರೆ.

ಎರಡು ದಿನಗಳ ಹಿಂದೆ 50:50 ಅನುಪಾತದಲ್ಲಿ ಹಂಚಿಕೆಯಾಗಿ 211 ಸೈಟುಗಳ ಪಟ್ಟಿ ಬಿಡುಗಡೆಯಾಗಿತ್ತು. ಇದೀಗ ಎರಡನೇ ಲಿಸ್ಟ್ ಬಿಡುಗಡೆಯಾಗಿದೆ. ಇದರಲ್ಲಿ ಪಾರ್ವತಿ ಸಿದ್ದರಾಮಯ್ಯನವರ ಹೆಸರೂ ಇದೆ. ಒಟ್ಟು 125 ಮಂದಿ ಸೈಟು ಪಡೆದವರ ಹೆಸರು ಇದರಲ್ಲಿ ಉಲ್ಲೇಖವಾಗಿದೆ.