ಮೈಸೂರು : ಕೊರೊನಾ ಹೆಸರಲ್ಲಿ ಮೈಸೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಅಮಾಯಕ ಜನರಿಂದ ಹಣ ಸುಲಿಗೆ ಮಾಡಲಾಗುತ್ತಿದೆ. 2 ಲಕ್ಷ ಹಣ ಕೊಡುವಂತೆ ಸೋಂಕಿತನ ಮಗಳಿಗೆ ದಿಗ್ಭಂಧನ ಮಾಡಿರುವುದಾಗಿ ಖಾಸಗಿ ಆಸ್ಪತ್ರೆ ಸಿಬ್ಬಂದಿ ವಿರುದ್ಧ ಆರೋಪ ಮಾಡಲಾಗಿದೆ.
ಚಿಕಿತ್ಸೆ ಸಂದರ್ಭದಲ್ಲಿ 2 ಲಕ್ಷ ಕಟ್ಟಿಸಿಕೊಂಡಿದ್ದ ಆಸ್ಪತ್ರೆ, ಮತ್ತೊಮ್ಮೆ ಸೋಂಕಿತನಿಂದ 1.20ಲಕ್ಷ ಹಣ ಕಟ್ಟಿಸಿಕೊಂಡಿದೆ. ಆಮೇಲೆ ರೋಗಿ ಡಿಸ್ಚಾರ್ಜ್ ಗೆ ಮತ್ತೆ 2 ಲಕ್ಷ ಹಣಕ್ಕೆ ಬೇಡಿಕೆ ಇಟ್ಟಿದೆ. ಇದರಿಂದ ಹೆದರಿದ ರೋಗಿ ಆಸ್ಪತ್ರೆಯಿಂದ ನಾಪತ್ತೆಯಾಗಿದ್ದಾನೆ ಎನ್ನಲಾಗಿದೆ.
ಈ ವೇಳೆ ಆಸ್ಪತ್ರೆಯ ಸಿಬ್ಬಂದಿ ರೋಗಿಯ ಪುತ್ರಿಯನ್ನ ದಿಗ್ಭಂಧಿಸಿದ್ದಾರೆ . 2 ಲಕ್ಷ ಹಣ ಕೊಡುವಂತೆ ಸಿಬ್ಬಂದಿಯಿಂದ ದಿಗ್ಭಂಧನ ಮಾಡಿದ್ದಾರೆ ಎನ್ನಲಾಗಿದೆ. ವಿಷಯ ತಿಳಿದ ರೈತ ಸಂಘಟನೆ ಆಸ್ಪತ್ರೆಗೆ ಮುತ್ತಿಗೆ ಹಾಕಿ ವಸೂಲಿ ಮಾಡಿದ್ದ ಹಣದಲ್ಲಿ 25 ಸಾವಿರ ರೂ. ವಾಪಸ್ ಪಡೆದು ರೋಗಿಯ ಕುಟುಂಬಕ್ಕೆ ನೆರವಾಗಿದೆ ಎನ್ನಲಾಗಿದೆ.
