ಬೇರೋಬ್ಬನ ಪತ್ನಿ ಜತೆ ಲವ್ವಿ ಡವ್ವಿ ನಡೆಸಿ ಕೊಂದೇ ಬಿಟ್ಟ ಪಾಪಿ

ಆಕೆ ಗೃಹಿಣಿ. ಗಂಡನಿದ್ದರೂ ಬೇರೊಬ್ಬನ ಜತೆ ಲವ್ವಿ ಡವ್ವಿ ಶುರುವಿಟ್ಟುಕೊಂಡಿದ್ದಳು. ಇಬ್ಬರು ಸಾಲದೆಂಬಂತೆ ಮತ್ತೊಬ್ಬನ ತೆಕ್ಕೆಗೆ ಜಾರಿದ್ದಳು. ಇದನ್ನು ಕಂಡ ಪ್ರಿಯಕರ ಮಾಡಬಾರದ ಕೆಲಸ ಮಾಡಿದ್ದಾನೆ.

ಅನೈತಿಕ ಸಂಬಂಧ ಹಿನ್ನೆಲೆಯಲ್ಲಿ ಪ್ರಿಯಕರನೊಬ್ಬ ಗೃಹಿಣಿಯೊಬ್ಬರನ್ನು ಕೊಲೆ ಮಾಡಿದ್ದಾನೆ. ಕಲಬುರಗಿ ಜಿಲ್ಲೆಯ ದರ್ಗಾ ಶಿರೂರ್ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ಮಲ್ಲಮ್ಮ ಶಿವರಾಜ್ (30) ಕೊಲೆಯಾದ ಗೃಹಿಣಿಯಾಗಿದ್ದಾರೆ. ಸಿದ್ದು ಎಂಬಾತನ ಜತೆ ಮಲ್ಲಮ್ಮ ಅನೈತಿಕವಾಗಿ ಲವ್ವಿ ಡವ್ವಿ ನಡೆಸುತ್ತಿದ್ದಳು. ಅತ್ತ ಗಂಡನೂ ಇದ್ದ. ಆದರೂ ಇವರಿಬ್ಬರ ಜತೆಗೆ ಮತ್ತೊಬ್ಬನೊಂದಿಗೆ ಮಲ್ಲಮ್ಮ ಅನೈತಿಕ ಸಂಬಂಧ ಬೆಳೆಸಿದ್ದಾಳೆ.

ಈ ವಿಷಯ ಪ್ರಿಯಕರನಿಗೆ ಗೊತ್ತಾಗಿ ಗಲಾಟೆ ನಡೆದಿದೆ. ಆಗ ಮಲ್ಲಮ್ಮನ ಮೇಲೆ ಪ್ರಿಯಕರ ಸಿದ್ದು ಕಲ್ಲು ಎತ್ತಿ ಹಾಕಿ ಕೊಲೆ ಮಾಡಿದ್ದಾನೆ.