ಕೊರೊನಾಕ್ಕೆ ಕಲಬುರಗಿಯಲ್ಲಿ ಎರಡನೇ ಬಲಿ

ದೇಶದಲ್ಲಿ ಕೊರೊನಾ ವೈರಸ್ ನಿಂದ ಮೊದಲ ಸಾವು ಕಂಡಿದ್ದ ಕಲಬುರಗಿಯಲ್ಲಿ ಇದೀಗ ಎರಡನೇ ವ್ಯಕ್ತಿ ಕೋವಿಡ್ – 19 ಗೆ ಬಲಿಯಾಗಿದ್ದಾನೆ.

65 ವರ್ಷದ ಹಣ್ಣಿನ ವ್ಯಾಪಾರ ಮಾಡುತ್ತಿದ್ದ ವ್ಯಕ್ತಿ ಸಾವನ್ನಪ್ಪುವುದರೊಂದಿಗೆ ಕಲಬುರಗಿಯಲ್ಲಿ ಕೊರೊನಾ ವೈರಸ್ ಗೆ ಎರಡನೇ ವ್ಯಕ್ತಿ ಬಲಿಯಾದಂತಾಗಿದೆ.

ಅಲ್ಲದೇ ಮತ್ತೆ ಎರಡು ಹೊಸ ಪಾಸಿಟಿವ್ ಕೇಸ್ ಗಳು ದೃಢವಾಗಿವೆ.  ಹಣ್ಣಿನ ವ್ಯಾಪಾರ ಮಾಡಿಕೊಂಡಿದ್ದ ವ್ಯಕ್ತಿ ಕೊರೊನಾ ದಿಂದಾಗಿ ಮೃತಪಟ್ಟಿದ್ದು, ಮೃತ ವ್ಯಕ್ತಿಗೆ ಹೇಗೆ ವೈರಸ್ ತಗುಲಿದೆ ಎನ್ನುವುದು ಇನ್ನಷ್ಟೇ ತಿಳಿದು ಬರಬೇಕಿದೆ.

ರೋಗಿ ಸಂಖ್ಯೆ 177 ಇವರು 65 ವರ್ಷದ ವ್ಯಕ್ತಿಯಾಗಿದ್ದು ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇನ್ನು ರೋಗಿ ಸಂಖ್ಯೆ 178 ಅವರು 72 ವರ್ಷದ ಮಹಿಳೆಯಾಗಿದ್ದು ರೋಗಿ ಸಂಖ್ಯೆ 175 ರ ತಾಯಿಯಾಗಿದ್ದಾಳೆ. ಇವರನ್ನು ಕಲಬುರಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.