ಬೆಂಗಳೂರು: ಸ್ಯಾಂಡಲ್ ವುಡ್ ನ "ಯುವರತ್ನ" ಅಭಿಮಾನಿಗಳ ಹೃದಯದಲ್ಲಿ ಅಚ್ಚಳಿಯದೆ ಉಳಿದಿದ್ದಾರೆ. ದೈಹಿಕವಾಗಿ ಕುಟುಂಬದಿಂದ ಹಾಗೂ ಅಭಿಮಾನಿಗಳಿಂದ ದೂರವಾದರೂ ಕೂಡ ಚಿತ್ರಗಳ ಮೂಲಕ ಹಾಡುಗಳ ಮೂಲಕ ಅಚ್ಚಳಿಯದೆ ಉಳಿದಿದ್ದಾರೆ. ಈ ಹಿನ್ನೆಲೆಯಲ್ಲಿ ನಗರದ ಹೆಬ್ಬಾಳ ಫ್ಲೈಓವರ್ ಕೆಳಗೆ ಅಪ್ಪು ಡಾನ್ಸ್ ಮಾಡುವತಿರುವ ಬೃಹತ್ ಕಟೌಟ್ ಹಾಕಲಾಗಿದೆ.
ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ನಟನೆ ಡ್ಯಾನ್ಸ್ ಸೇರಿ ಸಕಲಕಲಾ ವಲ್ಲಭರಾಗಿದ್ದರು. ಅಪ್ಪು ನಿಧನರಾಗಿ ಇಂದಿಗೆ 6 ನೇಯ ದಿನವಾದರೂ ಕೂಡ ಪುನೀತ್ ರಾಜ್ಕುಮಾರ್ ನಮ್ಮ ಜೊತೆಯಲ್ಲೇ ಇದ್ದಾರೆ ಎಂದು ಅಭಿಮಾನಿಗಳು ಇನ್ನೂ ನಂಬಿದ್ದಾರೆ. ಈ ಹಿನ್ನೆಲೆಯಲ್ಲಿ ಹೆಬ್ಬಾಳ ಫ್ಲೈಓವರ್ನಲ್ಲಿ ಅಪ್ಪುವಿನ ಬೃಹತ್ ಕಟೌಟ್ ಹಾಕಲಾಗಿದೆ. ವಿಶಷವಾಗಿ ಅಪ್ಪು ಡ್ಯಾನ್ಸ್ ಮಾಡೋ ರೀತಿಯಲ್ಲಿ ಈ ಕಟೌಟ್ ರೂಪಿಸಲಾಗಿದ್ದು ಅಭಿಮಾನಿಗಳು ವಿಶೇಷ ರೀತಿಯಲ್ಲಿ ನಮನ ಸಲ್ಲಿಸಿರುವುದು ಎಲ್ಲರ ಗಮನ ಸೆಳೆಯುತ್ತಿದೆ.