ಬೆಂಗಳೂರು: ಮಹಿಳೆಯರ ಮೇಲೆ ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಬಂಧಿತರಾಗಿರುವ ಮಾಜಿ ಸಂಸದ ಪ್ರಜ್ವಲ್ ರೇವಣ್ಣ ವಿರುದ್ಧ ಎರಡನೇ ದೋಷಾರೋಪ ಪಟ್ಟಿ ಸಲ್ಲಿಕೆಯಾಗಿದೆ. ಈ ದೋಷಾರೋಪ ಪಟ್ಟಿಯಲ್ಲಿ 60 ರ ವೃದ್ಧೆ ಮೇಲೆ ಪ್ರಜ್ವಲ್ ಯಾವ ರೀತಿಯಲ್ಲಿ ಎರಗಿದ್ದ ಎನ್ನುವುದು ಬಹಿರಂಗವಾಗಿದೆ.
ಹೊಳೆನರಸೀಪುರದ ತೋಟದ ಮನೆಯಲ್ಲಿ ಸಂತ್ರಸ್ತೆ ಮೇಲೆ ಮೊದಲ ಬಾರಿಗೆ ರೇಪ್ ನಡೆದಿತ್ತು. 2021 ರಲ್ಲಿ ಕೊವಿಡ್ ಲಾಕ್ ಡೌನ್ ಗೆ ಮೊದಲು ಈ ಕೃತ್ಯ ನಡೆದಿತ್ತು. ತೋಟದ ಮನೆಗೆ ಒಂದು ದಿನ ಮಧ್ಯಾಹ್ನ ಬಂದಿದ್ದ ಪ್ರಜ್ವಲ್ ರೇವಣ್ಣ ಅಲ್ಲೇ ಮನೆ ಕ್ಲೀನ್ ಮಾಡುತ್ತಿದ್ದ ಸಂತ್ರಸ್ತ ಮಹಿಳೆಯನ್ನು ಕರೆದು ಏನು ಕ್ಲೀನ್ ಆಯ್ತಾ ಎಂದು ಕೇಳಿದ್ದಾರೆ. ಬಳಿಕ ಒಂದು ಲೋಟ ನೀರು ತಂದುಕೊಡುವಂತೆ ಹೇಳಿ ರೂಮಿಗೆ ಹೋಗಿದ್ದಾರೆ.
ಸಂತ್ರಸ್ತ ವೃದ್ಧ ಮಹಿಳೆ ರೂಂಗೆ ಬಂದಾಗ ಬಾಗಿಲು ಭದ್ರಪಡಿಸಿಕೊಂಡ ಪ್ರಜ್ವಲ್ ನಿನ್ನ ಬಟ್ಟೆ ಬಿಚ್ಚು ಎಂದು ಬೆದರಿಸಿದ್ದಾರೆ. ಅದಕ್ಕೆ ಬೇಡ ಬಿಡಣ್ಣಾ.. ಭಯ ಆಯ್ತದೆ ಎಂದಿದ್ದಾರೆ. ಆದರೂ ಕೇಳದೇ ಬೆದರಿಸಿ ಆಕೆಯ ಬಟ್ಟೆ ಬಿಚ್ಚಿಸಿ ವಿಡಿಯೋ, ಫೋಟೋ ತೆಗೆದುಕೊಂಡಿದ್ದಾರೆ. ಆ ಮಹಿಳೆ ಬಾತ್ ರೂಂಗೆ ಹೋಗಬೇಕು, ಅರ್ಜೆಂಟ್ ಎಂದರೂ ಕೇಳದೇ ಆಕೆಯ ಮೇಲೆ ಅತ್ಯಾಚಾರವೆಸಗಿದ್ದಾರೆ.
ಇದನ್ನು ವಿಡಿಯೋ ಮಾಡಿಕೊಂಡಿದ್ದ ಪ್ರಜ್ವಲ್ ಈ ವಿಚಾರವನ್ನು ಯಾರಿಗಾರೂ ಹೇಳಿದರೆ ಈ ವಿಡಿಯೋವನ್ನು ಮಗನಿಗೆ ತೋರಿಸುತ್ತೇನೆ ಎಂದು ಬೆದರಿಸಿದ್ದಾರೆ. ನಿನ್ನ ಕುಟುಂಬಕ್ಕೆ ತೊಂದರೆಯಾಗಲಿದೆ ಎಂದು ಬೆದರಿಕೆ ಹಾಕಿದ್ದಾರೆ. ಇದರಿಂದ ಭಯಗೊಂಡ ಆಕೆ ಯಾರ ಬಳಿಯೂ ಇದನ್ನು ಬಾಯ್ಬಿಟ್ಟಿರಲಿಲ್ಲ.
