ಮದುವೆ ಆಗಿದ್ದ ಪತ್ನಿಯನ್ನು ಮನೆಗೆ ಕರೆದೊಯ್ಯಲು ಪತಿ ಹೆಲಿಕಾಫ್ಟರ್ ಬಂದ ಘಟನೆ ರಾಜಸ್ಥಾನ್ ನ ಕರುಲಿ ಜಿಲ್ಲೆಯ ಕಾರ್ಮಿ ಗ್ರಾಮದಲ್ಲಿ ನಡೆದಿದೆ. ಆದರೆ ಅದಕ್ಕೆ ಮಾವನ ಹಠವೇ ಕಾರಣ ಎಂಬುದು ನಂತರ ಬೆಳಕಿಗೆ ಬಂದಿದೆ.
ವಿಜೇಂದರ್ ಸೈನಿ ತನ್ನ ಪತ್ನಿ ಖುಷ್ಬೂರನ್ನು ಹೆಲಿಕಾಫ್ಟರ್ ನಲ್ಲಿ ಕರೆದುಕೊಂಡು ಬರಲು ಹುಡುಗನ ತಂದೆ 6 ಲಕ್ಷ ರೂ.
ನೀಡಿ ಹೆಲಿಕಾಫ್ಟರ್ ಬುಕ್ ಮಾಡಿ ಮಗ ಹಾಗೂ ಸೊಸೆಯ ಮೇಲಿನ ಪ್ರೀತಿಯನ್ನು ವಿಭಿನ್ನವಾಗಿ ವ್ಯಕ್ತಪಡಿಸಿದ್ದಾರೆ.
ವಿಜೇಂದರ್ ಸೈನಿ ಅವರ ತಂದೆ ರಾಧೇಶ್ಯಾಮ್ ಸೈನಿ ಗ್ರಾಮಸ್ಥರೊಬ್ಬರು ಹಾಕಿದ ಸವಾಲನ್ನು ಸ್ವೀಕರಿಸಿ ಹೆಲಿಕಾಫ್ಟರ್ ನಲ್ಲಿ ಸೊಸೆಯನ್ನು ಮನೆ ತುಂಬಿಸಿಕೊಂಡಿದ್ದಾರೆ.
ರಾಧೇಶ್ಯಾಮ್ ಮಕ್ಕಳ ಜೊತೆ ಆಟವಾಡುತ್ತಿದ್ದಾಗ ಹೆಲಿಕಾಫ್ಟರ್ ಆಟಿಕೆ ಜೊತೆ ಆಡುತ್ತಿದ್ದರು. ಆಗ ಒಬ್ಬಾತ ನಿಮಗೆ ತಾಕತ್ ಇದ್ದರೆ ನಿಜವಾದ ಹೆಲಿಕಾಫ್ಟರ್ ತರಿಸು. ಅದುಬಿಟ್ಟು ಮಕ್ಕಳ ಜೊತೆ ಈ ಆಟಿಕೆಯಲ್ಲಿ ಆಡೋಕೆ ಲಾಯಕ್ಕು ಎಂದು ರೇಗಿಸಿದರು.
ವರದಕ್ಷಿಣೆ ರೂಪದಲ್ಲಿ ಹಣ ಕೇಳೋಣ ಅಂದರೆ ಸೊಸೆ ಖುಷ್ಬೂ ಕಡು ಬಡವರಾಗಿದ್ದರು. ಆದರೆ ಸೊಸೆ-ಮಗನಿಗಾಗಿ 6.5 ಲಕ್ಷ ರೂ. ನೀಡಿ ಹೆಲಿಕಾಫ್ಟರ್ ಬುಕ್ ಮಾಡಿದ ರಾಧೇಶ್ಯಾಮ್ ಅವರ ಕೆಲಸಕ್ಕೆ ಹುಡುಗಿ ಮನೆಯವರು ಸಂತಸಗೊಂಡಿದ್ದಾರೆ.
