ಕೊಪ್ಪಳ : ಮಹಿಳೆಯೊಬ್ಬಳು ಪತಿಯನ್ನು ಬಿಟ್ಟು ಪ್ರಿಯಕರನ್ನು ನಂಬಿ ಗರ್ಭಿಣಿಯಾಗಿ ಇದೀಗ ಸಂಕಷ್ಟಕ್ಕೀಡಾದ ಘಟನೆ ಕೊಪ್ಪಳದ ಕುವೆಂಪು ನಗರದಲ್ಲಿ ನಡೆದಿದೆ.
ಯಂಕಮ್ಮ ಎಂಬ ಮಹಿಳೆ 2016ರಲ್ಲಿ ಮುದುಕಪ್ಪ ನನ್ನು ವಿವಾಹವಾಗಿದ್ದಳು. ಆದರೆ 3 ವರ್ಷದ ಬಳಿಕ ಪತಿ ಮುದುಕಪ್ಪನನ್ನು ಬಿಟ್ಟು ಯಂಕಮ್ಮ ವಿನೋದ್ ರೆಡ್ಡಿ ಎಂಬ ಯುವಕನ ಜೊತೆ ಸಂಬಂಧ ಬೆಳೆಸಿದ್ದಾಳೆ. ಆದರೆ ಆಕೆ ಗರ್ಭಿಣಿಯಾಗುತ್ತಿದ್ದಂತೆ ವಿನೋದ್ ಪರಾರಿಯಾಗಿದ್ದಾನೆ. 6 ತಿಂಗಳಿಂದ ವಿನೋದ್ ನನ್ನು ಹುಡುಕಾಡುತ್ತಿದ್ದ ಯಂಕಮ್ಮ ಇದೀಗ 9 ತಿಂಗಳ ಗರ್ಭಿಣಿಯಾಗಿದ್ದಾಳೆ. ಆಕೆ ಗರ್ಭಿಣಿಯಾದ ಹಿನ್ನಲೆಯಲ್ಲಿ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಸಾಂತ್ವನ ಕೇಂದ್ರದಿಂದ ಆಕೆಯನ್ನು ಹೊರಗೆ ಕಳುಹಿಸಿದೆ.
ಹೀಗಾಗಿ ಹುಲಿಯಮ್ಮ ಎಂಬಾಕೆ ಈಕೆಯ ಸಹಾಯಕ್ಕೆ ಬಂದಿದ್ದು, ಈಗ ಯಂಕಮ್ಮ ಹುಲಿಯಮ್ಮನ ಆಶ್ರಯದಲ್ಲಿದ್ದಾಳೆ ಎನ್ನಲಾಗಿದೆ.
