ಕೆಮ್ಮಿನ ಕಾಲರ್ ಟ್ಯೂನ್ ತೆಗಿಸ್ರಪ್ಪಾ...! ಸದನದಲ್ಲಿ ಸಚಿವರಿಗೆ ಮನವಿ

ಬೆಂಗಳೂರು: ಈಗ ಯಾರಿಗೇ ಕಾಲ್ ಮಾಡಿದರೂ ಮೊದಲನೆಯದಾಗಿ ಕೇಳೋದೇ ಕರ್ಕಶ ಕೆಮ್ಮಿನ ಸದ್ದು. ಕೊರೋನಾ ವೈರಸ್ ಬಗ್ಗೆ ಜಾಗೃತಿ ಮೂಡಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ತಂದ ಈ ಕಾಲರ್ ಟ್ಯೂನ್ ಈಗ ಜನರಿಗೆ ಕಿರಿ ಕಿರಿಯಾಗುತ್ತಿದೆ.

ಈ ಬಗ್ಗೆ ಸದನದಲ್ಲೂ ಚರ್ಚೆಯಾಗಿದೆ. ಸಂವಿಧಾನದ ಮೇಲಿನ ಚರ್ಚೆ ಸಂದರ್ಭದಲ್ಲಿ ಜೆಡಿಎಸ್ ಶಾಸಕ ಟಿಎ ಶರವಣ ಈ ವಿಚಾರವನ್ನು ಪ್ರಸ್ತಾಪಿಸಿದರು.

ಕೊರೋನಾ ಕಾಲರ್ ಟ್ಯೂನ್ ನಿಂದ ಆಗುತ್ತಿರುವ ಸಮಸ್ಯೆಗಳನ್ನು ವಿವರಿಸಿದ ಅವರು ಇದನ್ನು ನಿಲ್ಲಿಸಲು ಯಾವುದಾದರೂ ಕ್ರಮ ಕೈಗೊಳ್ಳಿ ಎಂದು ಸಚಿವ ಮಾಧು ಸ್ವಾಮಿಯವರಿಗೆ ಮನವಿ ಮಾಡಿದರು.