ಮೋಮೋಸ್ ಮಾರಿ ತಿಂಗಳಿಗೆ 31 ಲಕ್ಷ ಸಂಪಾದನೆ: ಬೆಂಗಳೂರಿನ ಬೀದಿ ಬದಿ ವ್ಯಾಪಾರಿ ಅಷ್ಟು ಫೇಮಸ್ ಅಂತೆ

Photo Credit: Instagram

ಬೆಂಗಳೂರು: ಈ ಹಿಂದೆ ಪ್ರಧಾನಿ ಮೋದಿ ಪಕೋಡಾ ಮಾರಿ ಬದುಕುವ ಬಗ್ಗೆ ಹೇಳಿದಾಗ ಎಲ್ಲರೂ ಟೀಕಿಸಿದ್ದರು. ಆದರೆ ಈ ರೀತಿ ಬೀದಿ ಬದಿ ವ್ಯಾಪಾರ ಮಾಡಿದರೂ ಅದೃಷ್ಟವಿದ್ದರೆ ಶ್ರೀಮಂತರಾಗಬಹುದು ಎಂಬುದಕ್ಕೆ ಈ ಮೋಮೋಸ್ ವ್ಯಾಪಾರಿ ಮತ್ತೊಂದು ಉದಾಹರಣೆ.

ವ್ಲಾಗರ್, ಕ್ರಿಯೇಟರ್ ಕ್ಯಾಸೀ ಪೆರೇರಿಯಾ ಅವರು ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಬೆಂಗಳೂರಿನ ಮೋಮೋಸ್ ಸೆಂಟರ್ ಒಂದರ ಯಶೋಗಾಥೆಯನ್ನು ಹಂಚಿಕೊಂಡಿದ್ದಾರೆ. ಕೆಕೆ ಮೋಮೋಸ್ ಎನ್ನುವ ಸ್ಟಾಲ್ ಗೆ ಕ್ಆಸೀ ಪೆರೇರಿಯಾ ಭೇಟಿ ನೀಡುತ್ತಾರೆ.

ಇಲ್ಲಿ ಸಂಜೆ 5 ಗಂಟೆಯಿಂದ ರಾತ್ರಿ 9 ಗಂಟೆಯವರೆಗೆ ವಿವಿಧ ರೀತಿಯ ಮೋಮೋಸ್ ಗಳನ್ನು ಮಾರಲಾಗುತ್ತದಂತೆ. ಇಲ್ಲಿ ಅವರು ನಾಲ್ಕು ಗಂಟೆಯಲ್ಲಿ ಪ್ರತೀ ಪ್ಲೇಟ್ ಗೆ 110 ರೂ.ಗಳಂತೆ 950 ಪ್ಲೇಟ್ ಮೋಮೋಸ್ ಗಳನ್ನು ಮಾರಿದ್ದಾರೆ. ಅಂದರೆ ಒಂದು ದಿನಕ್ಕೆ 1,04,500 ರೂ.! ಈ ರೀತಿ ಪ್ರತೀ ದಿನವೂ ಮಾರಾಟವಾದರೆ ಆತನ ತಿಂಗಳ ಆದಾಯ 31.35 ಲಕ್ಷ ರೂ.!

ಕ್ಯಾಸೀ ಪೆರೆರಿಯಾ ಅವರ ಈ ವಿಡಿಯೋಗೆ ಸಾಕಷ್ಟು ಜನ ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡಿದ್ದಾರೆ. ಇಷ್ಟು ಸುಲಭವಾಗಿ ಹಣ ಗಳಿಸಬಹುದಿತ್ತು ಎಂದರೆ ನಾವು ಮೋಮೋಸ್ ಮಾರಿಯೇ ಜೀವನ ಮಾಡುತ್ತಿದ್ದೆವು. ಇಷ್ಟೆಲ್ಲಾ ಪದವಿ ಪಡೆಯುವ ಅಗತ್ಯವಿತ್ತಾ ಎಂದು ಕೆಲವರು ಜೋಕ್ ಮಾಡಿದ್ದಾರೆ. ಮತ್ತೆ ಕೆಲವರು ಇದು ನಿಜವೇ ಎಂದು ಸಂಶಯ ವ್ಯಕ್ತಪಡಿಸಿದ್ದಾರೆ.

View this post on Instagram

A post shared by Cassy Pereira (@cassiusclydepereira)