ಮಕ್ಕಳ ಕಣ್ಣ ಮುಂದೆಯೇ ನೀರಲ್ಲಿ ಮುಳುಗಿ ಪ್ರಾಣಬಿಟ್ಟ ತಾಯಿ

ತನ್ನ ಮಕ್ಕಳ ಕಣ್ಣ ಮುಂದೆಯೇ ತಾಯಿಯೊಬ್ಬಳು ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ದಾರುಣ ಘಟನೆ ನಡೆದಿದೆ.

ಶಾಲೆಗೆ ರಜೆ ಇರೋ ಕಾರಣ ಈಜು ಕಲಿಸುವೆ ಅಂತ ತಾಯಿ ಶಿಲ್ಪಾ ತನ್ನ ಮಕ್ಕಳಾದ ಸುಜಲ ಹಾಗೂ ಸುದರ್ಶನನ್ನು ಕರೆದುಕೊಂಡು ಹೋಗಿದ್ದಾಳೆ.

ಆದರೆ ಬಾವಿಯಲ್ಲಿ ಈಜು ಕಲಿಸುತ್ತಿರುವಾಗಲೇ ಪ್ರಜ್ಞೆ ತಪ್ಪಿದ್ದಾಳೆ.  ಬಾವಿಯ ನೀರಿನಲ್ಲಿ ತಾಯಿ ಶಿಲ್ಪಾ ಮುಳುಗುತ್ತಿರೋದನ್ನು ನೋಡಿದ ಮಕ್ಕಳು ಅಕ್ಕಪಕ್ಕ ಇದ್ದವರನ್ನು ಕೂಗಿ ಕರೆದಿದ್ದಾರೆ.

ಆದರೆ ಸಹಾಯಕ್ಕಾಗಿ ಗ್ರಾಮಸ್ಥರು ಬರುವ ಮೊದಲೇ ಶಿಲ್ಪಾ ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದಾರೆ.

ಚಿಕ್ಕೋಡಿಯ ನೇಜ ಎಂಬ ಹಳ್ಳಿಯಲ್ಲಿ ಈ ದುರ್ಘಟನೆ ನಡೆಸಿದೆ.