ಒಳ್ಳೆ ದಿನ ಬರುತ್ತೆ ಎಂದಿದ್ದ ಟೋಪಿ ಸ್ವಾಮಿಯಿಂದಲೇ ಕೆಟ್ಟ ರಾಧಿಕಾ ಕುಮಾರಸ್ವಾಮಿ

ಬೆಂಗಳೂರು: ವಂಚನೆ ಪ್ರಕರಣದಲ್ಲಿ ಸಿಸಿಬಿ ಪೊಲೀಸರ ಬಲೆಗೆ ಬಿದ್ದಿರುವ ಯುವರಾಜ್ ಅಲಿಯಾಸ್ ಸ್ವಾಮಿ ನಟಿ ರಾಧಿಕಾ ಕುಮಾರಸ್ವಾಮಿಗೆ ಫೆಬ್ರವರಿ ನಂತರ ಒಳ್ಳೆಯ ದಿನ ಬರುತ್ತೆ ಎಂದು ಭವಿಷ್ಯ ಹೇಳಿದ್ದನಂತೆ. ಆದರೆ ಇದೀಗ ಅದೇ ವಂಚಕ ಸ್ವಾಮಿಯಿಂದಲೇ ರಾಧಿಕಾ ಭವಿಷ್ಯಕ್ಕೆ ಕುತ್ತು ಬಂದಿದೆ.

ರಾಧಿಕಾ ಖಾತೆಗೆ ಯುವರಾಜ್ ಭಾರೀ ಮೊತ್ತದ ಹಣ ವರ್ಗಾಯಿಸಿರುವುದು ಇದೀಗ ಸಿಸಿಬಿ ಪೊಲೀಸರ ಗಮನಕ್ಕೆ ಬಂದಿದೆ. ಇದರ ಬಗ್ಗೆ ರಾಧಿಕಾ ಸ್ಪಷ್ಟನೆ ನೀಡಿದ್ದಾರೆ. ಇದು ಸಿನಿಮಾ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಯುವರಾಜ್ ನನ್ನ ಖಾತೆಗೆ ಹಣ ವರ್ಗಾಯಿಸಿರುವುದು ಎಂದು ಅವರು ಸ್ಪಷ್ಟನೆ ನೀಡಿದರೂ ಸಿಸಿಬಿ ಪೊಲೀಸರಿಗೆ ಸಾಕಷ್ಟು ಅನುಮಾನಗಳಿವೆ. ಹೀಗಾಗಿ ಈಗ ಫೆಬ್ರವರಿ ಬಿಡಿ, ಜನವರಿಯಲ್ಲೇ ರಾಧಿಕಾಗೆ ಕಂಟಕ ವಕ್ಕರಿಸಿಕೊಂಡಿದೆ.