ತೆಲುಗಿನ ಹನುಮಾನ್ ಸಿನಿಮಾ ವೀಕ್ಷಿಸಿದರೆ ರಾಮಮಂದಿರಕ್ಕೆ ದೇಣಿಗೆ ನೀಡಬಹುದು!

ಹೈದರಾಬಾದ್: ದೇಶದಾದ್ಯಂತ ಜನ ಅಯೋಧ‍್ಯೆಯಲ್ಲಿ ರಾಮಂದಿರ ಲೋಕಾರ್ಪಣೆ ಕಾರ್ಯಕ್ರಮವನ್ನು ಎದಿರು ನೋಡುತ್ತಿದ್ದಾರೆ. ರಾಮಮಂದಿರಕ್ಕೆ ತಮ್ಮ ಕೈಲಾದ ದೇಣಿಗೆ ನೀಡಲು ಮುಂದಾಗುತ್ತಿದ್ದಾರೆ.

ಇದೀಗ ತೆಲುಗಿನ ಹನುಮಾನ್ ಸಿನಿಮಾ ತಂಡ ಹೊಸದೊಂದು ಪ್ರಯತ್ನಕ್ಕೆ ಕೈ ಹಾಕಿದೆ. ರಾಮ ಭಕ್ತ ಹನುಮನ ಹೆಸರು ಹಾಕಿಕೊಂಡು ಸಿನಿಮಾ ಮಾಡಿರುವ ಚಿತ್ರತಂಡ ರಾಮಮಂದಿರಕ್ಕೆ ದೇಣಿಗೆ ನೀಡಲು ವಿಶಿಷ್ಟ ಪ್ರಯೋಗ ನಡೆಸಲಿದೆ.

ಜನವರಿ 12 ರಂದು ಸಿನಿಮಾ ಥಿಯೇಟರ್ ನಲ್ಲಿ ರಿಲೀಸ್ ಆಗುತ್ತಿದೆ. ಸಿನಿಮಾ ವೀಕ್ಷಿಸಲು ಟಿಕೆಟ್ ಕೊಳ್ಳುವಾಗ ನಿಮ್ಮ ಟಿಕೆಟ್ ನಿಂದ ರೂ. 5 ರಂತೆ ರಾಮಮಂದಿರಕ್ಕೆ ದೇಣಿಗೆಯಾಗಿ ಚಿತ್ರತಂಡ ನೀಡಲಿದೆ.

ಸಿನಿಮಾ ಪ್ರಿ ರಿಲೀಸ್ ಈವೆಂಟ್ ನಲ್ಲಿ ಮುಖ‍್ಯ ಅತಿಥಿಯಾಗಿ ಭಾಗಿಯಾಗಿದ್ದ ಮೆಗಾಸ್ಟಾರ್ ಚಿರಂಜೀವಿ ಈ ವಿಶೇಷ ಘೋಷಣೆ ಮಾಡಿದ್ದಾರೆ. ಹನುಮಾನ್ ಸಿನಿಮಾ ನೋಡುವುದರ ಜೊತೆಗೆ ರಾಮಮಂದಿರಕ್ಕೆ ದೇಣಿಗೆಯನ್ನೂ ನೀಡಿದಂತಾಗಲಿದೆ.