ಕೆಜಿಎಫ್ 2 ನಲ್ಲಿ ಸಂಜಯ್ ದತ್ ನಟಿಸಬಾರದಂತೆ! ಕೋರ್ಟ್ ನಲ್ಲಿ ದೂರು ದಾಖಲಾಗಲು ಕಾರಣ ಇಲ್ಲಿದೆ

ಬೆಂಗಳೂರು: ಬಹುನಿರೀಕ್ಷಿತ ಕೆಜಿಎಫ್ 2 ಸಿನಿಮಾದಲ್ಲಿ ಸಂಜಯ್ ದತ್ ಅಧೀರ ಪಾತ್ರಧಾರಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ ಅವರು ಈ ಸಿನಿಮಾದಲ್ಲಿ ನಟಿಸಬಾರದು ಎಂದು ಕರ್ನಾಟಕ ಹೈಕೋರ್ಟ್ ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಕೇಸ್ ದಾಖಲಿಸಲಾಯಿತು.

ಇಷ್ಟಕ್ಕೂ ಸಂಜಯ್ ದತ್ ಅವರು ಕೆಜಿಎಫ್ 2 ಸಿನಿಮಾದಲ್ಲಿ ನಟಿಸಬಾರದು ಎಂದು ಕೇಸ್ ದಾಖಲಾಗಲು ನಿಜ ಕಾರಣವೇನು ಗೊತ್ತಾ? ಇದಕ್ಕೆ ಸಂಜಯ್ 1993 ಮುಂಬೈ ಬಾಂಬ್ ಸ್ಪೋಟ ಪ್ರಕರಣದಲ್ಲಿ ಆರೋಪಿಯಾಗಿದ್ದಿದ್ದು.

ಆದರೆ ಈ ಅರ್ಜಿಯನ್ನು ತಳ್ಳಿ ಹಾಕಿದ ಹೈ ಕೋರ್ಟ್ ‘ಯಾವುದೇ ಪ್ರಕರಣದಲ್ಲಿ ಆರೋಪಿಯಾಗಿದ್ದವರು ಅಥವಾ ಶಿಕ್ಷೆ ಅನುಭವಿಸಿದವರು ಸಿನಿಮಾದಲ್ಲಿ ಅಭಿನಯಿಸಬಾರದು ಎಂದು ಯಾವ ಕಾನೂನಿನಲ್ಲಿದೆ’ ಎಂದು ಪ್ರಶ್ನಿಸಿದೆ. ಇದರೊಂದಿಗೆ ಸಂಜಯ್ ಅಭಿನಯಿಸುವುದರಿಂದ ಎದುರಾಗಬಹುದಾಗಿದ್ದ ಕಾನೂನು ಸಂಕಷ್ಟ ದೂರವಾಗಿದೆ.