ಚುನಾವಣಾ ಪ್ರಚಾರಕ್ಕೆ ಬರುವುದರ ಬಗ್ಗೆ ನಟಿ ರಾಧಿಕಾ ಕುಮಾರಸ್ವಾಮಿ ಹೀಗ್ಯಾಕೆ ಹೇಳಿದ್ರು!

ಬೆಂಗಳೂರು : ಕರ್ನಾಟಕ ವಿಧಾನಸಭಾ ಚುನಾವಣಾ ಹಿನ್ನಲೆಯಲ್ಲಿ ರಾಜಕೀಯ ಪಕ್ಷಗಳು ಗೆಲುವು ಸಾಧಿಸಲು ಅನೇಕ ತಂತ್ರಗಳನ್ನು ರೂಪಿಸಿದ್ದು, ಅದರ ಜೊತೆಗೆ ಸ್ಟಾರ್ ನಟ-ನಟಿಯರನ್ನು ಪ್ರಚಾರಕ್ಕೆ ಕರೆತರುವ ಪ್ರಯತ್ನ ಕೂಡ ನಡೆಸಿವೆ. ಆದ ಕಾರಣ ಕೆಲವು ಸ್ಟಾರ್ ನಟಿ- ನಟಿಯರು ಕೂಡ ಚುನಾವಣಾ ಪ್ರಚಾರಕ್ಕೆ ಇಳಿದಿದ್ದಾರೆ.

ಈ ಬಗ್ಗೆ ಜೆಡಿಎಸ್ ರಾಜ್ಯಾಧ್ಯಕ್ಷ ಹೆಚ್.ಡಿ.ಕುಮಾರಸ್ವಾಮಿ ಅವರ ಪತ್ನಿ ನಟಿ ರಾಧಿಕಾ ಕುಮಾರಸ್ವಾಮಿ ಅವರಲ್ಲಿ ರಾಜಕೀಯದ ಬಗ್ಗೆ ಆಸಕ್ತಿ ಇದೆಯಾ ಎಂದು ಕೇಳಿದಾಗ ಅದಕ್ಕೆ ಅವರು,’ 'ರಾಜಕೀಯದಲ್ಲಿ ಆಸಕ್ತಿ ಇಲ್ಲ, ಸಿನಿಮಾದಲ್ಲಿ ಖುಷಿಯಾಗಿದ್ದೇನೆ' ಎಂದು ತಿಳಿಸಿದ್ದಾರೆ.

 ಈ ಬಗ್ಗೆ ಮಾತನಾಡಿದ ನಟಿ ರಾಧಿಕಾ ಕುಮಾರಸ್ವಾಮಿ ಅವರು,’ ಮೊದಲಿಗೆ ನನಗೆ ಬಿಡುವೇ ಇಲ್ಲ. ಯಾವ ಪ್ರಚಾರದಲ್ಲೂ ನಾನು ಭಾಗಿಯಾಗ್ತಿಲ್ಲ. ಈಗ ಮೂರು ಚಿತ್ರಗಳಲ್ಲಿ ನಾನು ಬಿಝಿ. ಅದನ್ನು ಮುಗಿಸಬೇಕಿದೆ. ರವಿಚಂದ್ರನ್‌ ಜತೆ ಕೂಡಾ ನಟಿಸುತ್ತಿದ್ದೇನೆ. ಒಂದು ದಿನ ಬಿಡುವು ಸಿಕ್ಕರೂ ಮಗಳಿಗೆ ಸಮಯ ಕೊಡಬೇಕು. ಅವಳ ಜತೆ ಅಣ್ಣನ ಮಗುವೂ ಈಗ ಇರೋದ್ರಿಂದ ಅವರ ಜತೆಯಲ್ಲೇ ಎಂಜಾಯ್‌ ಮಾಡಿಕೊಂಡು ಇದ್ದೇನೆ. ನಟನೆ ಅಲ್ಲದೆ, ನನ್ನ ಪ್ರೊಡಕ್ಷನ್‌ ಹೌಸ್‌ನಿಂದ ಬೇರೆಯವರಿಗಾಗಿ ಒಳ್ಳೆಯ ಸಿನಿಮಾಗಳನ್ನು ಮಾಡಬೇಕು ಅಂತ ಇದ್ದೇನೆ. ತುಂಬಾ ಯೋಜನೆಗಳಿವೆ. ಅವುಗಳತ್ತ ಗಮನ ಕೊಡಬೇಕಿದೆ. ರಾಜಕೀಯ ಬೇಡ. ಸಿನಿಮಾದಲ್ಲೇ ನಾನು ಸಂತೋಷವಾಗಿರುವುದಾಗಿ ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ