ಬೆಂಗಳೂರು: ದರ್ಶನ್ ಮತ್ತು ಸ್ನೇಹಿತರು ಹಲ್ಲೆ ನಡೆಸಿ ಹತ್ಯೆ ಮಾಡಿದ್ದ ರೇಣುಕಾಸ್ವಾಮಿ ನಿಜವಾಗಿಯೂ ಪವಿತ್ರಾ ಗೌಡಗೆ ಕಳುಹಿಸಿದ ಸಂದೇಶದಲ್ಲಿ ಅಂತಹದ್ದೇನಿತ್ತು ಎಂಬುದು ಈಗ ವೈರಲ್ ಆಗಿದೆ.
ಪವಿತ್ರಾ ಗೌಡ ಜೊತೆ ದರ್ಶನ್ ನಿಕಟ ಸಂಬಂಧದ ಬಗ್ಗೆ ಆಕ್ರೋಶಗೊಂಡಿದ್ದ ರೇಣುಕಾಸ್ವಾಮಿ ಸೋಷಿಯಲ್ ಮೀಡಿಯಾದಲ್ಲಿ ನಕಲಿ ಖಾತೆ ಸೃಷ್ಟಿಸಿ ಅಶ್ಲೀಲ ಮೆಸೇಜ್ ಕಳುಹಿಸುತ್ತಿದ್ದ. ಅಷ್ಟಕ್ಕೂ ರೇಣುಕಾಸ್ವಾಮಿ ಕಳುಹಿಸಿದ್ದ ಸಂದೇಶದಲ್ಲಿ ಅಂತಹದ್ದೇನಿತ್ತು ಎಂಬುದು ಈಗ ಬಹಿರಂಗವಾಗಿದೆ.
ಮೂಲಗಳ ಪ್ರಕಾರ ಪವಿತ್ರಾ ಗೌಡಗೆ ರೇಣುಕಾಸ್ವಾಮಿ ತನ್ನ ಗುಪ್ತಾಂಗದ ಫೋಟೋವನ್ನು ಕಳುಹಿಸಿ ನಿನಗೆ ಬೇಕಿದ್ದರೆ ನಾನಿದ್ದೇನೆ ಬಾ ಎಂದು ಅಸಭ್ಯವಾಗಿ ಬರೆದಿದ್ದ ಎನ್ನಲಾಗಿದೆ. ಈ ರೀತಿ ಅಸಭ್ಯವಾಗಿ ಮೆಸೇಜ್ ಮಾಡುತ್ತಿದ್ದ ಬಗ್ಗೆ ಪವಿತ್ರಾ ಗೌಡ ನೇರವಾಗಿ ದರ್ಶನ್ ಗೆ ಹೇಳಿದ್ದರು.
ಇದನ್ನು ಕೇಳಿಸಿಕೊಂಡು ರೊಚ್ಚಿಗೆದ್ದ ದರ್ಶನ್ ತನ್ನ ಆಪ್ತರ ಸಹಾಯದಿಂದ ಆತನ ಪತ್ತೆಗೆ ಯೋಜನೆ ರೂಪಿಸಿದರು. ಪವಿತ್ರಾ ಆಪ್ತ ಪವನ್ ನಕಲಿ ಸೋಷಿಯಲ್ ಮೀಡಿಯಾ ಖಾತೆ ಸೃಷ್ಟಿಸಿಕೊಂಡು ರೇಣುಕಾಸ್ವಾಮಿಯ ಸ್ನೇಹ ಸಂಪಾದಿಸಿದ್ದ. ಬಳಿಕ ಆತನನ್ನು ಪತ್ತೆ ಮಾಡಿ ದರ್ಶನ್ ಎದುರಿಗೆ ತಂದು ನಿಲ್ಲಿಸಿದ್ದ ಎಂಬುದು ತಿಳಿದುಬಂದಿದೆ.
