200 ಕೋಟಿ ರೂ ಗಳಿಕೆಯತ್ತ ವಿಕ್ರಾಂತ್ ರೋಣ ಚಿತ್ತ

ಬೆಂಗಳೂರು: ಕಳೆದ ವಾರ ಬಿಡುಗಡೆಯಾಗಿದ್ದ ವಿಕ್ರಾಂತ್ ರೋಣ ಸಿನಿಮಾ ಈಗ ಬಾಕ್ಸ್ ಆಫೀಸ್ ನಲ್ಲಿ 200 ಕೋಟಿ ಗಳಿಕೆ ಮಾಡುವತ್ತ ಚಿತ್ತ ನೆಟ್ಟಿದೆ.

ನಿರೀಕ್ಷಿಸಿದಷ್ಟು ಪರಭಾಷೆಗಳಲ್ಲಿ ವಿಕ್ರಾಂತ್ ರೋಣ ಸಿನಿಮಾಗೆ ರೆಸ್ಪಾನ್ಸ್ ಸಿಗಲಿಲ್ಲ. ಆದರೂ ಚಿತ್ರ ಬಿಡುಗಡೆಯಾದ ನಾಲ್ಕೇ ದಿನಕ್ಕೆ 100 ಕೋಟಿ ಕ್ಲಬ್ ಸೇರಿತ್ತು.

ಒಟ್ಟು ಎಂಟು ದಿನಗಳ ಕಲೆಕ್ಷನ್ 150 ಕೋಟಿ ತಲುಪಿದ್ದು, ಇನ್ನು ಒಂದು ವಾರದಲ್ಲಿ 200 ಕೋಟಿ ತಲುಪುವ ನಿರೀಕ್ಷೆಯಲ್ಲಿ ಚಿತ್ರತಂಡವಿದೆ. ಹಿಂದಿಯಲ್ಲಿ ಒಟ್ಟು 8 ಕೋಟಿ ಕಲೆಕ್ಷನ್ ಮಾಡಿರುವ ವಿಕ್ರಾಂತ್ ರೋಣ ತೆಲುಗಿನಲ್ಲೂ 10 ಕೋಟಿ ಗಡಿ ತಲುಪಿದೆ.  ಕನ್ನಡ ಮತ್ತು ತೆಲುಗು ಅವತರಣಿಕೆ ಉತ್ತಮ ಪ್ರದರ್ಶನ ಮುಂದುವರಿಸಿದೆ ಎನ್ನಲಾಗಿದೆ.