ಬೆಂಗಳೂರು: ಈಚೆಗಷ್ಟೇ ಛತ್ತೀಸ್‌ಗಢದ ಅನುಕೂಲ್ ಮಿಶ್ರಾ ಜತೆ ಅದ್ಧೂರಿಯಾಗಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದ ಕಿರುತೆರೆ ನಟಿ ವೈಷ್ಣವಿ ಗೌಡ ಅವರ ಮನೆಯಲ್ಲಿ ಮದುವೆ ಸಂಭ್ರಮ ಜೋರಾಗಿದೆ.
ಜೀ ಕನ್ನಡದಲ್ಲಿ ಸೀತಾರಾಮ ಸೀರಿಯಲ್ ಅಂತ್ಯಗೊಳ್ಳುತ್ತಿದ್ದ ಹಾಗೇ ನಟಿ ಇದೀಗ ಹಸೆಮಣೆ ಏರಲು ಸಜ್ಜಾಗಿದ್ದಾರೆ. ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಂನಲ್ಲಿ ನಟಿ ವೈಷ್ಣವು ಅವರು ಮದುವೆ ಶಾಸ್ತ್ರದ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.
ಫೋಟೋದಲ್ಲಿ ಚಪ್ಪರ ಪೂಜೆ, ಅರಿಶಿನ ಶಾಸ್ತ್ರದ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಪೋಷಕರೊಂದಿಗೆ ನಿಂತು ಚಪ್ಪರಕ್ಕೆ ಪೂಜೆ ಮಾಡುತ್ತಿರುವುದನ್ನು ಕಾಣಬಹುದು. ಇನ್ನೊಂದು ಪೋಟೋದಲ್ಲಿ ಮುಖಕ್ಕೆ ಹಳದಿ ಹಚ್ಚಿಕೊಂಡಿರುವುದನ್ನು ಕಾಣಬಹುದು.
ಈ ಫೋಸ್ಟ್‌ಗೆ ಇಂದಿನಿಂದ ಶುರು ಎಂಬ ಅಡಿಬರಹವನ್ನು ನೀಡಿದ್ದಾರೆ. ವೈಷ್ಣವಿ ಗೌಡ ಅವರು ಈಚೆಗೆ ಇಂಡಿಯನ್ ಏರ್‌ಪೋಸ್ಟ್‌ನಲ್ಲಿ ಕೆಲಸ ಮಾಡುತ್ತಿರುವ ಛತ್ತೀಸ್‌ಗಢದ ಅನುಕೂಲ್ ಮಿಶ್ರಾ ಅವರ ಜತೆ ಗ್ರ್ಯಾಂಡ್‌ ಆಗಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದರು.
