ಬೆಂಗಳೂರು: ನಟ ದರ್ಶನ್ ಅರೆಸ್ಟ್ ಆದ ಮೇಲೆ ಕೆಲವು ಟ್ರೋಲ್ ಪೇಜ್ ಗಳಿಗೆ ಹಬ್ಬವಾಗಿದೆ. ಇದೇ ವಿಚಾರವಾಗಿ ಈಗ ಸೋಷಿಯಲ್ ಮೀಡಿಯಾದಲ್ಲಿ ಶೆಡ್ ಗೆ ಬಾ ಎನ್ನುವ ರೀಲ್ಸ್ ಭಾರೀ ವೈರಲ್ ಆಗುತ್ತಿದೆ.
ರೇಣುಕಾಸ್ವಾಮಿ ಹತ್ಯೆ ಪ್ರಕರಣದಲ್ಲಿ ನಟ ದರ್ಶನ್ ಬಂಧಿತರಾಗಿ ಒಂದು ತಿಂಗಳಾಗುತ್ತಾ ಬಂದಿದೆ. ಸದ್ಯಕ್ಕೆ ದರ್ಶನ್ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ನ್ಯಾಯಾಂಗ ಬಂಧನದಲ್ಲಿದ್ದಾರೆ. ದರ್ಶನ್, ಪವಿತ್ರಾ ಗೌಡ ಆಂಡ್ ಗ್ಯಾಂಗ್ ಪಟ್ಟಣಗೆರೆ ಶೆಡ್ ನಲ್ಲಿ ರೇಣುಕಾಸ್ವಾಮಿ ಮೇಲೆ ಹಲ್ಲೆ ನಡೆಸಿ ಹತ್ಯೆ ಮಾಡಿದೆ ಎಂಬ ಆರೋಪವಿದೆ. ಹೀಗಾಗಿ ಶೆಡ್ ಎನ್ನುವ ಪದ ವೈರಲ್ ಆಗಿದೆ.
ಇದರ ಜೊತೆಗೆ ಇತ್ತೀಚೆಗೆ ಸಹೋದರಿಯನ್ನು ನೋಡಲು ಜೈಲಿಗೆ ಬಂದಿದ್ದ ಪವಿತ್ರಾ ಗೌಡ ಸಹೋದರ ಮಾಧ್ಯಮಗಳಿಗೆ ನಿಮಗೆಲ್ಲಾ ಮಾಡಲು ಕೆಲಸವಿಲ್ಲ ಎಂದಿದ್ದು ಮಾಧ್ಯಮಗಳ ಕೆರಳಿಸಿತ್ತು. ಆತನ ವಿರುದ್ಧ ಖ್ಯಾತ ಪತ್ರಕರ್ತ ಜಯಪ್ರಕಾಶ್ ಶೆಟ್ಟಿಯಂತೂ ನಮಗೆ ಮಾಡಕ್ಕೆ ಕೆಲಸವಿಲ್ಲ, ಶೆಡ್ ಗೆ ಬಾ ಕುಂಟಾ ಬಿಲ್ಲೆ ಆಡೋಣ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದರು.
ಅವರು ಹೇಳಿದ ಈ ಒಂದು ಡೈಲಾಗ್ ಈಗ ಟ್ರೋಲರ್ ಗಳಿಗೆ ಆಹಾರವಾಗಿದೆ. ದರ್ಶನ್ ರ ಬಸಣ್ಣಿ ಬಾ ಎನ್ನುವ ಯಜಮಾನ ಸಿನಿಮಾದ ಹಾಡನ್ನೇ ಬದಲಾಯಿಸಿ ಶೆಡ್ ಗೆ ಬಾ ಎಂದು ಹಾಡು ಮಾಡಿ ರೀಲ್ಸ್ ಹರಿಯಬಿಡಲಾಗಿದೆ. ವಿಶೇಷವೆಂದರೆ ದರ್ಶನ್ ಹಾಡಿನ ದೃಶ್ಯಕ್ಕೇ ಕೆಲವರು ಇಂತಹದ್ದೊಂದು ಬದಲಿ ಸಾಹಿತ್ಯವನ್ನು ರಿಮಿಕ್ಸ್ ಮಾಡಿ ರೀಲ್ಸ್ ಹರಿಯಬಿಡಲಾಗುತ್ತಿದೆ. ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡ್ ಆಗುತ್ತಿದೆ.
