ತಮಿಳು ಸಿನಿಮಾದಲ್ಲಿ ನಟಿಸಲಿರುವ ಸುಧಾರಾಣಿ

ಬೆಂಗಳೂರು: ಕನ್ನಡದ ಎವರ್ ಗ್ರೀನ್ ನಟಿ ಸುಧಾರಾಣಿ ಈಗ ತಮಿಳು ಸಿನಿಮಾದತ್ತ ಮುಖ ಮಾಡಿದ್ದಾರೆ. ಜಂಟಲ್ ಮ್ಯಾನ್ 2 ಸಿನಿಮಾದಲ್ಲಿ ಸುಧಾರಾಣಿ ಅಭಿನಯಿಸಲಿದ್ದಾರೆ.

ಅರ್ಜುನ್ ಸರ್ಜಾ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದ ಜೆಂಟಲ್ ಮ್ಯಾನ್ ಸಿನಿಮಾದ ಎರಡನೇ ಭಾಗ ಈಗ ಅನೌನ್ಸ್ ಆಗಿದೆ. ಈ ಸಿನಿಮಾದಲ್ಲಿ ಸುಧಾರಾಣಿ ಪ್ರಮುಖ ಪಾತ್ರ ವಹಿಸಲಿದ್ದಾರೆ.

ಇತ್ತೀಚೆಗಷ್ಟೇ ಮುಹೂರ್ತ ಕಾರ್ಯಕ್ರಮ ನೆರವೇರಿದೆ. ಸುಧಾರಾಣಿ ಮಾತ್ರವಲ್ಲದೆ, ಪ್ರಿಯಾ ಲಾಲ್, ನಯನತಾರಾ ಚಕ್ರವರ್ತಿ ಮುಂತಾದವರೂ ನಟಿಸುತ್ತಿದ್ದಾರೆ. ಕೆ.ಟಿ. ಕುಂಜುಮೋನ್ ಈ ಸಿನಿಮಾವನ್ನು ನಿರ್ಮಾಣ ಮಾಡಲಿದ್ದಾರೆ.