ಪುಷ್ಪ 2 ಬಗ್ಗೆ ಖುಷಿ ವಿಚಾರ ಹಂಚಿಕೊಂಡ ಶ್ರೀವಲ್ಲಿ ರಶ್ಮಿಕಾ ಮಂದಣ್ಣ

Photo Courtesy: Twitter

ಹೈದರಾಬಾದ್: ಬಹುನಿರೀಕ್ಷಿತ ಪುಷ್ಪ 2 ಸಿನಿಮಾದ ಹೊಸ ಅಪ್ ಡೇಟ್ ಒಂದು ಹೊರಬಂದಿದ್ದು, ಶ್ರೀವಲ್ಲಿ ರಶ್ಮಿಕಾ ಮಂದಣ್ಣ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ.

ಪುಷ್ಪ ಭಾಗ 1 ಸಿನಿಮಾದಲ್ಲಿ ಶ್ರೀವಲ್ಲಿ ಹಾಡು ಭರ್ಜರಿ ಹಿಟ್ ಆಗಿತ್ತು. ಹಾಡಿನ ಜೊತೆಗೆ ಅದರ ಸ್ಟೆಪ್ಸ್ ಕೂಡಾ ಟ್ರೆಂಡ್ ಆಗಿತ್ತು. ಇದೀಗ ಮತ್ತೊಮ್ಮೆ ಪ್ರೇಕ್ಷಕರಿಗೆ ಮೋಡಿ ಮಾಡಲು ಶ್ರೀವಲ್ಲಿ ಹಾಡು ಬರುತ್ತಿದೆ. ಪುಷ್ಪ 2 ರಲ್ಲೂ ಸಂಗೀತ ನಿರ್ದೇಶಕ ಡಿಎಸ್ ಪಿ ಮತ್ತೊಂದು ಶ್ರೀವಲ್ಲಿ ಹಾಡು ಕ್ರಿಯೇಟ್ ಮಾಡಿದ್ದರು.

ಈ ಹಾಡು ನಾಳೆ ಬೆಳಿಗ್ಗೆ 11.07 ಗಂಟೆಗೆ ಬಿಡುಗಡೆಯಾಗುತ್ತಿದೆ ಎಂದು ರಶ್ಮಿಕಾ ಸೋಷಿಯಲ್ ಮೀಡಿಯಾದಲ್ಲಿ ಖುಷಿ ವಿಚಾರ ಹಂಚಿಕೊಂಡಿದ್ದಾರೆ. ಈ ಹಾಡು ನಿಮಗೆಲ್ಲರಿಗೂ ಇಷ್ಟವಾಗುತ್ತದೆಂದು ಭಾವಿಸುವುದಾಗಿ ಅವರು ಹೇಳಿದ್ದಾರೆ. ಪುಷ್ಟ 2 ಸಿನಿಮಾದ ಟೈಟಲ್ ಸಾಂಗ್ ಈಗಾಗಲೇ ಬಿಡುಗಡೆಯಾಗಿ ಟ್ರೆಂಡ್ ಸೃಷ್ಟಿಸಿದೆ.

ಪುಷ್ಪ ಪುಷ್ಪ ಎನ್ನುವ ಹಾಡು ಭಾರೀ ಲೈಕ್ಸ್ ಪಡೆದಿದೆ. ಇದೀಗ ಇದೇ ಖುಷಿಯಲ್ಲಿ ಚಿತ್ರತಂಡ ಎರಡನೇ ಹಾಡು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಹಾಡು ಸಂಪೂರ್ಣವಾಗಿ ನಾಯಕಿ ರಶ್ಮಿಕಾ ಮಂದಣ್ಣ ಕೇಂದ್ರೀಕೃತವಾಗಿರುತ್ತದೆ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ರಶ್ಮಿಕಾ ಜೊತೆಗೆ ನಾಯಕ ಅಲ್ಲು ಅರ್ಜುನ್ ಕೂಡಾ ಇರುತ್ತಾರಾ ಎಂಬುದಕ್ಕೆ ನಾಳೆಯವರೆಗೆ ಕಾದು ನೋಡಬೇಕು.