ಬೆಂಗಳೂರು: ಹೆಣ್ಣು ಮಕ್ಕಳಿಗೆ ತುಂಬಾನೇ ಗೌರವವನ್ನು ನೀಡುವ ಕಿಚ್ಚ ಸುದೀಪ್ ಅವರು ತಮ್ಮ ತಾಯಿಯನ್ನು ತುಂಬಾನೇ ಪ್ರೀತಿಸುತ್ತಾರೆ. ತಾನು ಇರುವ ಸ್ಥಳದಲ್ಲಿ ಹೆಣ್ಣು ಮಕ್ಕಳಿಗೆ ಅಗೌರವ ಆದರೆ ಹಿಂದೂ ಮುಂದು ನೋಡದೆ ಸುದೀಪ್ ಅವರು ಧ್ವನಿಯೆತ್ತುತ್ತಾರೆ.
ಅಮ್ಮನನ್ನು ಎಷ್ಟು ಪ್ರೀತಿಸುತ್ತಾರೆ ಎನ್ನುವುದಕ್ಕೆ ನಿನ್ನೆ ಬಿಗ್‌ಬಾಸ್‌ ನಡೆದ ಘಟನೆಯೇ ಸಾಕ್ಷಿ. ಜಗದೀಶ್ ಹಾಗೂ ಚೈತ್ರ ಕುಂದಾಪುರ ನಡುವೆ ನಡೆದ ಮಾತಿನ ಚಕಮಕಿಯ‌ಲ್ಲಿ ಅಮ್ಮಂದಿರಿಗೆ ಆದ ಅಗೌರವದ ಬಗ್ಗೆ ಸುದೀಪ್ ಗರಂ ಆಗಿದ್ದಾರೆ. ಅದಲ್ಲದೆ ಈ ವಿಚಾರವಾಗಿ ಚೈತ್ರಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಚೈತ್ರ ಅವರು ಜಗದೀಶ್ ಹತ್ರ ಜಗಳವಾಡುವ ವೇಳೆ 'ನೀನು ಒಬ್ಬ ಅಪ್ಪಂಗೆ ಹುಟ್ಟಿದ್ರೆ' ಅನ್ನುವ ಮಾತನ್ನು ಪದೇ ಪದೇ ಹೇಳಿದ್ದರು. ಈ ವಿಚಾರವಾಗಿ ಚೈತ್ರರನ್ನು ತರಾಟೆಗೆ ತೆಗೆದುಕೊಂಡ ಸುದೀಪ್ 'ನೀವು ಹೆಣ್ಣು ಮಕ್ಕಳಿಗೆ ಗೌರವ ನೀಡಿ ಎಂದು ಹೋರಾಟ ಮಾಡುತ್ತೀರಿ. ಆದರೆ ಮಾತಿನ ವೇಳೆ ಒಬ್ಬ ಅಪ್ಪಂಗೆ ಹುಟ್ಟಿದ್ರೆ ಎನ್ನುವ ಮೂಲಕ ನೀವು ಅಪ್ಪಂಗೆ ಬೈತಿಲ್ಲ, ಅಮ್ಮನಿಗೆ ಅವಮಾನ ಮಾಡುತ್ತಿದ್ದೀರಿ' ಎಂದು ಗರಂ ಆಗಿದ್ದಾರೆ.
ಸುದೀಪ ಅವರ ತಾಯಿ ಸರೋಜಾ ದೇಸಾಯಿ ಅವರು ಅನಾರೋಗ್ಯದಿಂದ ಇಂದು ಕೊನೆಯುಸಿರೆಳೆದರು. ಇನ್ನೂಅಮ್ಮನನ್ನು ತುಂಬಾನೇ ಪ್ರೀತಿಸುವ ಸುದೀಪ್ ಅವರು ವೀಕೆಂಡ್ ವಿತ್ ರಮೇಶ್ ಶೋನಲ್ಲಿ ತಾಯಿ ಜತೆಗಿನ ಬಾಂಧವ್ಯವನ್ನು ಹೇಳಿಕೊಂಡಿದ್ದರು. ಅದಲ್ಲದೆ ಸರೋಜಾ ಅವರಿಗೂ ತಮ್ಮ ಮಗ ಎಂದರೆ ತುಂಬಾನೇ ಪ್ರೀತಿಯಿಂದ ತಂದುಕೊಟ್ಟ ಸೀರೆಯನ್ನು ತೋರಿಸಿದ್ದರು.
