ಬಾಲಿವುಡ್ ನಟ ಸೋನು ಸೂದ್ ಕೊರನಾ ಲಾಕ್ ಡೌನ್ ಸಮಯದಲ್ಲಿ ಆಗಾಗ್ಗೆ ನೆರವಿನ ಹಸ್ತ ಚಾಚುತ್ತಲೇ ಇದ್ದಾರೆ.
25 ಸಾವಿರ ಮಾಸ್ಕ್ ಗಳನ್ನು ವಿತರಣೆ ಮಾಡಿದ ಬೆನ್ನಲ್ಲೇ ಇದೀಗ ಬಡ ರೈತ ಕುಟುಂಬಕ್ಕೆ ಟ್ರಾಕ್ಟರ್ ಕೊಡಿಸಿದ್ದಾರೆ.
ಆಂಧ್ರ ಪ್ರದೇಶದ ಚಿತ್ತೂರು ಜಿಲ್ಲೆಯಲ್ಲಿ ನಾಗೇಶ್ವರ್ ರಾವ್ ರೈತ ಕುಟುಂಬಕ್ಕೆ ನಟ ಟ್ರಾಕ್ಟರ್ ಕೊಡಿಸಿದ್ದಾರೆ.
ರೈತ ಕುಟುಂಬದ ಹೆಣ್ಣುಮಕ್ಕಳೇ ಹೊಲದಲ್ಲಿ ನೇಗಿಲು ಎಳೆಯುತ್ತಿದ್ದರು. ಭೂಮಿ ಉಳುತ್ತಿದ್ದರು. ಈ ಚಿತ್ರ ವೈರಲ್ ಆಗಿತ್ತು. ಇದನ್ನು ನೋಡಿದ ಸೋನು ಸೂದ್ , ಸಂಜೆಯೊಳಗೆ ಟ್ರಾಕ್ಟರ್ ಬರುತ್ತೆ ಎಂದು ಭರವಸೆ ನೀಡಿದ್ದರು. ಕೊಟ್ಟ ಮಾತಿನಂತೆ ಟ್ರಾಕ್ಟರ್ ಕೊಟ್ಟಿದ್ದಾರೆ.
ಬಾಲಿವುಡ್ ನಟನ ಕಾರ್ಯಕ್ಕೆ ಅಭಿಮಾನಿಗಳು ಅಪಾರ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.
