ಹನಿಮೂನ್ ಗೆ ತಾವು ಅಂದುಕೊಂಡ ಸ್ಥಳಕ್ಕೇ ಗಂಡನ ಜೊತೆ ಹೋದ ಸೋನಲ್ ಮೊಂಥೆರೋ

ಬೆಂಗಳೂರು: ಆಗಸ್ಟ್ ನಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದ ನಿರ್ದೇಶಕ ತರುಣ್ ಸುಧೀರ್, ಸೋನಲ್ ಮೊಂಥೆರೋ ಜೋಡಿ ಈಗ ಹನಿಮೂನ್ ಗೆ ತೆರಳಿದ್ದಾರೆ. ಅದೂ ತಾವು ಅಂದುಕೊಂಡ ಜಾಗಕ್ಕೇ ಹೋಗಿದ್ದಾರೆ.

ಸದ್ಯಕ್ಕೆ ಸಿನಿಮಾಗಳಿಂದ ಬ್ರೇಕ್ ಪಡೆದಿರುವ ಸೋನಲ್-ತರುಣ್ ಜೋಡಿ ತಮ್ಮ ವೈಯಕ್ತಿಕ ಜೀವನಕ್ಕಾಗಿ ಸಮಯ ಮೀಸಲಿಟ್ಟಿದ್ದಾರೆ. ಮದುವೆಯಾಗಿ ಬರೋಬ್ಬರಿ ಒಂದೂವರೆ ತಿಂಗಳ ಬಳಿಕ ತರುಣ್-ಸೋನಲ್ ಹನಿಮೂನ್ ಗೆ ತೆರಳಿದ್ದಾರೆ. ಇತ್ತೀಚೆಗೆ ಐಐಎಫ್ಎ ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಜೋಡಿಯಾಗಿ ತೆರಳಿದ್ದರು.

ದುಬೈಗೆ ತೆರಳಿದ್ದ ಸೋನಲ್-ತರುಣ್ ಈಗ ಹನಿಮೂನ್ ಗೆ ತಾವು ಬಯಸಿದ ಮಾಲ್ಡೀವ್ಸ್ ಗೆ ಭೇಟಿ ನೀಡಿದ್ದಾರೆ. ಆಂಕರ್ ಅನುಶ್ರೀ ಜೊತೆಗಿನ ಯೂ ಟ್ಯೂಬ್ ಸಂದರ್ಶನದ ವೇಳೆ ಈ ಜೋಡಿ ತಮ್ಮ ಕನಸಿನ ಹನಿಮೂನ್ ತಾಣ ಯಾವುದು ಎಂದು ರಿವೀಲ್ ಮಾಡಿದ್ದರು.

ಅದರಂತೆ ಈಗ ಸೋನಲ್ ಮತ್ತು ತರುಣ್ ಮಾಲ್ಡೀವ್ಸ್ ಗೆ ಹಾರಿದ್ದಾರೆ. ಮಾಲ್ಡೀವ್ಸ್ ಗೆ ಬಂದಿಳಿದ ಮತ್ತು ಅಲ್ಲಿನ ಬೀಚ್ ಹೌಸ್ ನಲ್ಲಿ ಸುಂದರ ದೃಶ್ಯಗಳನ್ನು ಸೋನಲ್ ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಮುಂದಿನ ತಿಂಗಳಿನಿಂದ ಇಬ್ಬರೂ ತಮ್ಮ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿಯಾಗಲಿದ್ದಾರೆ.