ಕೆಜಿಎಫ್ 2 ಅಬ್ಬರದ ನಡುವೆ ರಿಲೀಸ್ ಗೆ ಭಯಪಡುತ್ತಿರುವ ಹೊಸಬರ ಸಿನಿಮಾಗಳು

ಬೆಂಗಳೂರು: ಮುಂದಿನ ವಾರಂತ್ಯಕ್ಕೆ ಕೆಜಿಎಫ್ 2 ಸಿನಿಮಾ ರಿಲೀಸ್ ಆಗುತ್ತಿದೆ. ಈ ಸಿನಿಮಾದ ಹೈಪ್ ನೋಡಿ ಈಗ ಹೊಸಬರು, ಸಣ್ಣ ಬಜೆಟ್ ನ ಸಿನಿಮಾ ನಿರ್ಮಾಪಕರು ತಮ್ಮ ಸಿನಿಮಾ ರಿಲೀಸ್ ಮಾಡಲು ಹಿಂದೇಟು ಹಾಕುತ್ತಿದ್ದಾರೆ.

ಇದಕ್ಕೆ ಸಾಕ್ಷಿ ಎಂಬಂತೆ ಮುಂದಿನ ದಿನಗಳಲ್ಲಿ ಕೇವಲ ಮೂರು ಸಿನಿಮಾಗಳಷ್ಟೇ ರಿಲೀಸ್ ದಿನಾಂಕ ಘೋಷಿಸಿವೆ. ಅದರಲ್ಲೂ ಮುಂದಿನ  ವಾರವಂತೂ ಯಾವುದೇ ಸಿನಿಮಾ ರಿಲೀಸ್ ಆಗುತ್ತಿಲ್ಲ.

ಕೇವಲ ಕೆಜಿಎಫ್ 2 ಮಾತ್ರವಲ್ಲ, ಅದರ ಹಿಂದಿನ ದಿನ ವಿಜಯ್ ಅಭಿನಯದ ಬೀಸ್ಟ್ ಕೂಡಾ ತೆರೆ ಕಾಣುತ್ತಿದೆ. ಈ ಸಿನಿಮಾ ಕೂಡಾ ಬಹುಭಾಷೆಗಳಲ್ಲಿ ತೆರೆ ಕಾಣುತ್ತಿದೆ. ಹೀಗಾಗಿ ಮುಂದಿನ ಎರಡು ವಾರ ಮಿಕ್ಕ ಸಿನಿಮಾಗಳು ರಿಲೀಸ್ ಮಾಡುವ ಧೈರ್ಯವನ್ನೂ ಮಾಡುತ್ತಿಲ್ಲ.