ಹೈದರಾಬಾದ್: ಬಹುಭಾಷಾ ನಟ ಕಮಲ್ ಹಾಸನ್ ಪುತ್ರಿ, ಖ್ಯಾತ ನಟಿ ಶ್ರುತಿ ಹಾಸನ್ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಶಾಕಿಂಗ್ ಹೇಳಿಕೆ ನೀಡಿದ್ದಾರೆ
ತಾನು ಡಿಪ್ರೆಷನ್ ಗೊಳಗಾಗಿದ್ದೆ, ಕುಡಿತದ ದಾಸಳಾಗಿದ್ದೆ ಎಂಬಿತ್ಯಾದಿ ಶಾಕಿಂಗ್ ಮಾಹಿತಿಗಳನ್ನು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.
ಯೂಟ್ಯೂಬ್ ವಾಹಿನಿಯೊಂದರ ಸಂದರ್ಶನದಲ್ಲಿ ಶ್ರುತಿ ಹಾಸನ್ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮುಕ್ತವಾಗಿ ಹಂಚಿಕೊಂಢಿದ್ದಾರೆ. ನಾನು ಡಿಪ್ರೆಷನ್ ಗೊಳಗಾಗಿದ್ದೆ. ಫ್ರೆಂಡ್ಸ್ ಸಿಕ್ಕಾಗಲೆಲ್ಲಾ ಸಿಕ್ಕಾಪಟ್ಟೆ ಕುಡಿತಿದ್ದೆ. ಒಂದು ಹಂತದಲ್ಲಿ ಕುಡಿತವೇ ನನ್ನ ಆಳುವಷ್ಟು ಅದಕ್ಕೆ ದಾಸಳಾಗಿದ್ದೆ.
ಆದರೆ ಬಳಿಕ ನನ್ನ ಚಟದ ಬಗ್ಗೆ ನನಗೇ ಬೇಸರವಾಯಿತು. ಅದಕ್ಕೇ ಕಳೆದ ಎಂಟು ವರ್ಷಗಳಿಂದ ಕುಡಿಯುವುದನ್ನೇ ಬಿಟ್ಟೆ. ನಾನು ಮದ್ಯಸೇವನೆ ಮಾಡುತ್ತಿದ್ದುದು ನಿಜ. ಆದರೆ ಯಾವತ್ತೂ ಡ್ರಗ್ಸ್ ತೆಗೆದುಕೊಂಡಿಲ್ಲ ಎಂದಿದ್ದಾರೆ.
