ಭಾವ ತೀವ್ರತೆಯ ಪ್ರೇಮಕತೆ ಸಪ್ತಸಾಗರದಾಚೆ ಎಲ್ಲೊ ಇಂದಿನಿಂದ ಥಿಯೇಟರ್ ನಲ್ಲಿ

ಬೆಂಗಳೂರು: ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ನಾಯಕರಾಗಿರುವ ಹೇಮಂತ್ ರಾವ್ ನಿರ್ದೇಶನದ ಸಪ್ತಸಾಗರದಾಚೆ ಎಲ್ಲೊ ಸಿನಿಮಾದ ಮೊದಲ ಭಾಗ ಇಂದು ರಿಲೀಸ್ ಆಗಿದೆ.

ಸಪ್ತಸಾಗರದಾಚೆ ಎಲ್ಲೊ ಒಂದು ವಿಶಿಷ್ಟ ಪ್ರೇಮ ಕತೆ ಹೊಂದಿರುವ ಸಿನಿಮಾ. ಈ ಸಿನಿಮಾ ಎರಡು ಭಾಗಗಳಲ್ಲಿ ರಿಲೀಸ್ ಆಗುತ್ತಿದ್ದು, ಮೊದಲ ಭಾಗ ಇಂದು ರಿಲೀಸ್ ಆಗಿದೆ. ನಿನ್ನೆ ಪ್ರೀಮಿಯರ್ ಶೋ ಆಯೋಜನೆಯಾಗಿತ್ತು. ಪ್ರೇಮಕತೆಯೇ ಸಿನಿಮಾದ ಹೈಲೈಟ್. ಸಿನಿಮಾದಲ್ಲಿ ಕಾಮಿಡಿ ದೃಶ್ಯಗಳು ಕಡಿಮೆ. ಆದರೆ ಭಾವ ತೀವ್ರತೆ ಹೆಚ್ಚಾಗಿದ್ದು, ಸಿನಿಮಾ ನೋಡಿದವರು ಮನು-ಪ್ರಿಯಾ ಪ್ರೇಮಕತೆಯನ್ನು ನೋಡಿ ಕಣ್ಣಂಚು ಒದ್ದೆ ಮಾಡಿ ಬರುವುದು ಖಂಡಿತಾ.

ರಕ್ಷಿತ್ ಮನು ಆಗಿ ರುಕ್ಮಿಣಿ ವಸಂತ್ ಪ್ರಿಯಾ ಆಗಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ರಕ್ಷಿತ್ ಸಿನಿಮಾಗಳೆಂದರೆ ವೀಕ್ಷಕರಲ್ಲಿ ವಿಶೇಷ ಕುತೂಹಲವಿರುತ್ತದೆ. ಹೀಗಾಗಿ ಈ ಸಿನಿಮಾ ಬಗ್ಗೆಯೂ ಅಪಾರ ನಿರೀಕ್ಷೆಯಿದೆ. ಸಿನಿಮಾ ಪ್ರೇಕ್ಷಕರ ನಿರೀಕ್ಷೆಯ ಮಟ್ಟ ತಲುಪುತ್ತದೆಯೇ ಎಂದು ಕೆಲವೇ ಕ್ಷಣಗಳಲ್ಲಿ ಗೊತ್ತಾಗಲಿದೆ.